Արցախն այսօր հայ ժողովրդի արժանապատվության հիմնասյունն է. Տեր Վաչագան քահանա Գյուրջյան
Արցախում ստեղծված իրավիճակը հաղթահարելու համար պետք է հրաժարվել երկիր ու ազգ քայքայող բոլոր խոտելի երևույթներից: «Արցախպրես»-ի հետ զրույցում այս մասին ասել է Արցախի թեմի Քրիստոնեական դաստիարակչության կենտրոնի տնօրեն Տեր Վաչագան քահանա Գյուրջյանը՝ ընդգծելով, որ Արցախն այսօր հայ ժողովրդի արժանապատվության հիմնասյունն է դարձել:
«Սա ազգովի հաղթարելու փորձություն է, որը հավատացյալներին նաև առիթ է տալիս մյուսներին էլ բերել դեպի եկեղեցի՝ իրենց հավատքի մասին վկայելու, ասելու՝ դարձե՛ք դեպի Քրիստոսը ու ձեր այս փորձությունները ավելի հեշտ կարող եք հաղթահարել»,- շեշտել է քահանա Գյուրջյանը:
Նրա համոզմամբ՝ յուրաքանչյուր հայ պիտի կարողանա հայացքը դարձնել Արցախին ու հասկանալ, որ արցախցին իր անբաժան մասնիկն է:
«Սուրբ գիրքն ասում է՝ փորձությունները համբերություն են ծնում, համբերությունը՝ հույս, իսկ հույսը երբեք չի ամաչեցնում: Իրականում մեր ներկա իրավիճակը հույսով և համբերությամբ տանելն ինքնին հավատքի դրսևորում կարող է լինել, եթե մենք սա ընկալենք ոչ թե տանջանք և մեզ ուղարկված պատիժ, այլ առիթ, որպեսզի մենք կարողանանք ինքներս մեզ վերագտնել, առիթ՝ ապաշխարության»,-նշել է հոգևորականը:
Եզրափակելով խոսքը՝ Տեր Վաչագան քահանա Գյուրջյանն ասել է, որ Աստված մեզ ստեղծել է առանց մեզ, բայց չի կարող փրկել առանց մեզ:
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»
Հանրապետության առանձին շրջաններում սպասվում է կարճատև անձրև և ամպրոպ
Արմավիրի քրեական ոստիկանները հայտնաբերել են ոսկյա զարդերի խանութից կողոպուտ կատարած երիտասարդին
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...