Եվա Զոհրաբյանը նկարահանվել է ռուսական ֆիլմում և հյուրընկալվել Պավել Վոլյային

Մայիսի 25-ին կայանալու է «Непосредственно Каха 2. Другой фильм» ֆիլմի պրեմիերան, որի դերասանները՝ Արտյոմ Քալաջյանը և Եվա Զոհրաբյանը, հյուրընկալվել են «Шоу Воли» ռուսական հեռուստանախագծին, գրում է Showbiz.am-ը:

Ֆիլմը երկու հայի մասին է՝ Կախայի և Սերգոյի, որ ապրում են Սոչիում: Ֆիլմի երկրորդ մասում նաև նկարահանվել է Եվա Զոհրաբյանը, որի մասնակցությունը հաղորդմանը տարածվել է համացանցում, քանի որ դերասանուհին խոսում էր ռուսերեն՝ նշելով, որ սկզբում մտքում մտածում է հայերեն, ապա նոր թարգմանում ռուսերեն, իսկ հաղորդավարները ուղղում էին նրան՝ սովորեցնելով ճիշտ կիրառել բառերը:

«Ես նստած էի տանը, երբ զանգահարեց ընկերուհիս և առաջարկեց մասնակցել ֆիլմի նկարահանումներին, միանգամից համաձայնվեցի»,- նշել է Եվա Զոհրաբյանը: