Խաչատուր Սուքիասյանին մանդատից զրկելու հարց կարող է բարձրացվել. «Սիլ ինշուրանսի» հետքերով զբաղվում է Կոռուպցիայի կանխարգելման հանձնաժողովը
Կոռուպցիայի կանխարգելման հանձնաժողովն ուսումնասիրում է մամուլի այն հրապարակումները, որոնք վերաբերում են այս կամ այն պաշտոնյայի ընտանիքին պատկանող բիզնեսների և պետական համակարգի միջև կնքված տարբեր պայմանագրերին՝ պարզելու, թե որքանով է պաշտոնյայի գործունեությունն ազդել տվյալ պայմանագրի կնքման գործընթացի վրա. այդ գործընթացը տեղի է ունեցել կոնկրետ պաշտոնյայի անձով պայմանավորվա՞ծ, թե՞ առկա են այլ գործոններ:
168 TV-ի եթերում, անդրադառնալով կոռուպցիայի դեմ տարվող պայքարին ու պաշտոնյաների ընտանիքներին պատկանող բիզնեսների հետ պետական համակարգի սերտ համագործակցությանը, նման տեսակետ հայտնեց Կոռուպցիայի կանխարգելման հանձնաժողովի նախագահ Հայկուհի Հարությունյանը՝ մասնավորեցնելով.
«Ազգային ժողովի պատգամավորների մասնակցությամբ բիզնես գործունեությունը փորձնական ուսումնասիրության առարկա ենք դարձրել։ Արդեն ունենք հարուցված վարույթներ, որոնցից մեկը, ի դեպ, վերաբերում է «Քաղաքացիական պայմանագիր» խմբակցության պատգամավոր Խաչատուր Սուքիասյանի գործունեությանը։ Մեկ դրվագով արդեն հանգել ենք եզրահանգման, մյուս դրվագներով ուսումնասիրությունը շարունակվում է: Եթե եզրակացությամբ արձանագրվեց, որ, այո, կա խախտում, ապա Կոռուպցիայի կանխարգելման հանձնաժողովը դիմելու է Ազգային ժողով, բարձրացնելու է Խաչատուր Սուքիասյանի պաշտոնավարումը դադարեցնելու հարցը՝ ընդ որում, դիմելու ենք ոչ միայն Ազգային ժողով, այլ նաև Սահմանադրական դատարան»,- ասաց Հայկուհի Հարությունյանը՝ ընդգծելով, որ ուսումնասիրվում են նաև այլ պաշտոնյաների հետ կապված հրապարակումները, և եթե հանձնաժողովի վերջնական եզրակացությամբ հաստատվի պետական այլ պաշտոնյաների բիզնես գործունեության անհամատեղելիությունը, ապա այլ պաշտոնյաների լիազորությունների դադարեցման հարցով ևս կդիմեն համապատասխան մարմիններին։
Հարցազրույցի մանամասները՝ տեսանյութում։
Երրորդ համաշխարհային պատերազմը սկսվեց. Զալուժնի
Արգիշտի Քյարամյանը՝ ՊՎԾ պետ. Նիկոլ Փաշինյանը որոշում ունի
Բա ես ու իմ կարգավիճակի մարդիկ ի՞նչ անեն․ Սոֆյա Հովսեփյան
Սա տգիտությունից բացի նաև ստորություն է. Լեւոն Քոչարյանը՝ Փաշինյանի աղմկահարուց հայտարարության մասին
Գեներալ Կարակաևը Պուտինի հետ խորհրդակցությունում. ռուսական «Орешник»-ն ի վիճակի է թիրախներ խոցել ամբ...
«Արտաշատի» ԲԿ-ի շուրջ սկանդալային զարգացումներ են
Դժբախտ պատահարի հետևանքով մահացել է կարատեի առաջնությունների բազմակի չեմպիոն Մկրտիչ Ղազարյանը
Սեփական սխալներն ուրիշների վրա բարդելու հերթական «շուստրիություն»
Քաղաքապետարանի պաշտոնյայի վարորդի «Lexus»-ները հրկիզել է Նոր Արեշի հայտնի գարեջրատան սեփականատիրոջ ո...
ՌԴ-ն գիշերն Ուկրաինայի ուղղությամբ արձակել է «Իսկանդեր-Մ» բալիստիկ հրթիռներ և ռեկորդային թվով՝ 188 ա...