Եղնիկը Ալաբամայի տարրական դպրոցի պատուհանից ցատկել է դասարան
ԱՄՆ Ալաբամա նահանգի տարրական դպրոցի տեսախցիկները ֆիքսել են, թե ինչպես է եղնիկը ներս ցատկում դասարանի պատուհանից, գրում է UPI-ն։
Evergreen տարրական դպրոցի վարչակազմը հայտնել է, որ երկուշաբթի առավոտյան աշխատակիցները եկել ու տեսել են, որ եղնիկը շենքում է եղել հանգստյան օրերին:
Հաղորդագրության մեջ նշվում է նաեւ, որ եղնիկը դժվարացել է քայլել դպրոցի մոմապատ հատակի վրայով՝ նախքան շենքի շուրջը «մի քանի ժամ» թափառելը։
«Երբ նա հարմարվել է իր նոր միջավայրին, դուրս է թռել պատուհանից նույնքան արագ, որքան մտել էր»,- ասվում է հաղորդագրության մեջ։