Իտալիան Լիբիայի հետ 8 միլիարդ դոլար արժողությամբ գազային պայմանագիր է կնքել

Իտալիան 8 միլիարդ դոլար արժողությամբ գազային պայմանագիր է ստորագրել Լիբիայի հետ՝ Իտալիայի վարչապետ Ջորջիա Մելոնիի՝ էներգետիկայի եւ միգրացիայի վերաբերյալ բանակցությունների նպատակով կայացած այցի ընթացքում:

Համաձայնագիրը ստորագրել են Լիբիայի ազգային նավթային կորպորացիան եւ իտալական Eni-ն։ Երկու ընկերություններն էլ ասել են, որ 8 միլիարդ դոլար կներդնեն գազի, ինչպես նաեւ արեւի եւ ածխածնի արտադրության ոլորտում, հաղորդում է Reuters լրատվական գործակալությունը:

Երկու երկրների միջեւ բնական գազի գործարքը Լիբիայի էներգետիկ ոլորտում ավելի քան երկու տասնամյակների ընթացքում ամենամեծ ներդրումն է, հաղորդում է Associated Press-ը:

Eni-ի գործադիր տնօրեն Կլաուդիո Դեսկալցին ակտիվորեն աջակցեց Եվրոպայի շրջադարձին դեպի Աֆրիկա՝ իր էներգետիկ կարիքները բավարարելու համար:

Այս շաբաթվա սկզբին Մելոնին այցելել է Ալժիր՝ Իտալիայի հիմնական գազի մատակարար պետություն, որտեղ Eni-ն եւ Ալժիրի պետական ​​Sonatrach էներգետիկ ընկերությունը համագործակցության նոր համաձայնագիր են ստորագրել՝ ուղղված էներգետիկ անվտանգության ամրապնդմանը եւ ածխածնի արտանետումների նվազեցմանն ուղղված ջանքերի ակտիվացմանը:

Անցյալ տարի Ալժիրը դարձել է Իտալիայի գլխավոր ռազմավարական գործընկերներից մեկը՝ որպես եվրոպական երկրի էներգիայի խոշորագույն մատակարար փոխարինելով Ռուսաստանի Դաշնությանը: