G7-ը դեմ չէ ԵՄ-ի կողմից Ռուսաստանից դիզվառելիքի գների սահմանաչափ սահմանելուն. Bloomberg

Մեծ յոթնյակի (G7) երկրները հասկացրել են, որ դեմ չեն Եվրամիության կողմից Ռուսաստանից դիզելային վառելիքի մեկ բարելի դիմաց 100-110 դոլար գնի շեմի սահմանմանը, գրում է Bloomberg գործակալությունը՝ հղում անելով պաշտոնյային:

Ավելի վաղ ԱՄՆ ֆինանսների նախարարությունը հայտնել է, որ ԱՄՆ-ն Եվրամիության եւ Մեծ յոթնյակի երկրների հետ քննարկում է ռուսական նավթամթերքների գների շեմը։

«G7-ը հասկացրել է, որ իրեն ձեռնտու է ԵՄ-ում ռուսական դիզելային վառելիքի արտահանման գների շեմի հաստատումը 100-110 դոլարի սահմաններում»,-նշում է գործակալությունը:

Աղբյուրը նշել է, որ քննարկման կողմերը լավատեսորեն են նայում համաձայնության հասնելու հնարավորությանը։