Բայդենն անակնկալ է մատուցել. նա մեկնել է արձակուրդ
ԱՄՆ նախագահ Ջո Բայդենը չորեքշաբթի ընտանիքի հետ միասին մեկնել է Կիաուա կղզի (Հարավային Կարոլինայի նահանգ), որտեղ, ինչպես սպասվում է, յոթնօրյա արձակուրդ կանցկացնի, տեղեկացրել է NBC հեռուստաալիքի տեղի բաժանմունքը։
Նրա տվյալներով՝ Բայդենն արդեն երեք անգամ որպես ԱՄՆ փոխնախագահ այցելել է այս կղզի, որը գտնվում է երկրի արեւելյան ափին, բայց ներկա ուղեւորությունը նրա առաջին այցն է պետության ղեկավարի պաշտոնում։ Նրա ժամանելու նախօրեին Կիաուա քաղաքի իշխանությունները նախազգուշացրել են տեղի բնակիչներին, որ առաջիկա օրերին ամբողջ կղզում գործելու են անվտանգության ուժեղացված միջոցներ, իսկ ճանապարհներին հնարավոր են խցանումներ։
«Նախագահի անվտանգության թիմը կապ է հաստատել ջանքերի կոորդինացման բոլոր կառույցների հետ, որոնք պետք է նվազագույնի հասցնեն հանրային կյանքի վրա նախագահի այցի ազդեցությունը։ Ինչեւէ, խնդրում ենք ձեզ համբերություն դրսեւորել ճանապարհային երթեւեկության խցանումների ժամանակ, քանի որ նախագահի տեղաշարժի մասին նախապես հայտարարվել չի կարող՝ անվտանգության նկատառումներից ելնելով»,- հեռուստաալիքը մեջբերել է կղզու իշխանությունների հայտարարությունը։
Չորեքշաբթի ցերեկը Սպիտակ տան ղեկավարը, նրա տիկինը՝ Ջիլ Բայդենը, որդին՝ Հանթերը կնոջ՝ Մելիսա Քոենի հետ եւ թոռը՝ Բոն, նախագահական ինքնաթիռով մեկնել են Չառլսթոն նավահանգստային քաղաքի Էնդրյուս ռազմակայանից, որի կողքին է գտնվում Կիաուա կղզրին։
Նախագահի աշխատակազմը մինչ այս պահը որեւէ կերպ չի հաստատել նախագահի արձակուրդի մասին տվյալները, ինչպես նաեւ չի նշել դրա ժամկետների եւ Բայդենի մասնակցությամբ հնարավոր միջոցառումների մասին։ Կղզին, որտեղ գտնվելու է նախագահի ընտանիքը, հայտնի է իր մասնավոր լողափերով եւ գոլֆ-ամառանոցներով։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մակրոնը և Սթարմերը Ուկրաինայի հարցով հանդիպում են հրավիրել
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
ԵՔՀ 8-րդ գագաթնաժողովի բացման արարողությունը Երևանում. ուղիղ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ