Ռուսաստանը մտադիր է հրաժարվել Եվրասիական զարգացման բանկի վերահսկիչ փաթեթից․ Bloomberg
Ռուսաստանը մտադիր է հրաժարվել Եվրասիական զարգացման բանկի վերահսկիչ փաթեթից, գրում է Bloomberg-ը։
Աղբյուրների համաձայն՝ այժմ Ռուսաստանին է պատկանում վարկային կազմակերպության բաժնետոմսերի 65,97 տոկոսը, իսկ Մոսկվան նախատեսում է Բելառուսի հետ ԵԱԶԲ-ում իր ընդհանուր մասնաբաժինը կիսով չափ կրճատել: Եթե այս պլանը կյանքի կոչվի, բանկի վերահսկիչ փաթեթը կանցնի Ղազախստանին, որին ներկայումս պատկանում է ԵԱԶԲ-ի բաժնետոմսերի 32,99 տոկոսը: Եվս 1 տոկոսը պատկանում է Բելառուսին, իսկ մնացած բաժնետոմսերը բաշխված են Տաջիկստանի, Հայաստանի եւ Ղրղըզստանի միջեւ։