Քանյե Ուեսթը մահախոսական է նվիրել Քիմ Քարդաշյանի եւ Փիթ Դեւիդսոնի բաժանմանը

Ամերիկացի ռեփեր Քանյե Ուեսթը մեկնաբանել է նախկին կնոջ՝ Քիմ Քարդաշյանի բաժանումը դերասան Փիթ Դեւիդսոնից։ Նա համապատասխան գրառում է կատարել իր Instagram-ում։

Երաժիշտը հրապարակել է The New York Times թերթի շապիկը՝ «Սկիտ Դեւիդսոնը մահացել է 28 տարեկանում» (Skete Davidson Dead At Age 28):

Քիմ Քարդաշյանի եւ Փիթ Դեւիդսոնի սիրավեպի մասին հայտնի դարձավ անցյալ տարվա հոկտեմբերին։ Սիրահարները շատ ժամանակ էին անցկացնում միասին եւ հաճախ էին հայտնվել պապարացիների տեսախցիկների առջեւ, սակայն նրանք պաշտոնապես որպես զույգ սկսել են հայտնվել միայն մի քանի ամսվա հարաբերություններից հետո։