Կնստենք Ֆրանսիայի դեսպանատան մոտ այնքան, մինչև դեսպանը մեզ ընդունի․ Լեւոն Հայիրյան
1994-ին մեր ազգային-ազատագրական պայքարի արդյունքում մենք կարողացել էինք մեզ համար անվտանգության գոտի ստեղծել. այսօր 30 տարիների բհեռվից տեսնում ենք, որ աշխարհին դուր չի եկել, որ մենք կարողացել ենք մեզ պաշտպանել: Այս մասին, այսօր՝ օգոստոսի 5-ին, Ֆրանսիայի դեսպանատան մոտ Արցախից տեղահանվածների բողոքի ակցիայի ժամանակ նշեց «Հանուն Հադրութի» ՀԿ ղեկավար Լեւոն Հայրյանը:
«Երբ ԵԱՀԿ Մինսկի խմբի համանախագահությունը երաշխավորեց, որ Ղարաբաղի հարցը չունի ռազմական լուծում մենք էլ լինելով տնտեսապես ոչ շատ հզոր պետություն, որոշեցինք մեր տնտեսական եկամուտներով մեր կենսապահովման հարցերը լուծենք, ոչ թե միլիտարիզացիայի հետեւից գնանք՝ հույս ունենալով, որ երեք պետություն, որ ՄԱԿ-ի ԱԽ անդամ են՝ Ռուսաստան, Ֆրանսիա, Ամերիկա, կարողանալու են այս տարածաշրջանում մեր անվտանգությունը պահել:
Բայց 30 տարի հետո ընկանք մի հարվածի տակ, որ անպատկերացնելի էր: Եթե աշխարհի հզորները չմասնակցեցին, գոնե աչքերը փակեցին: Մեզ վրա հարձակվեցին Ադրբեջանը, Թուրքիան, Իսրայելն իր զինանոցով, սպաներով: Այսինքն մեր դեմ կռվում էր համարյա ամբողջ աշխարհը, գումարած ջիհադիստները»,-ասաց նա:
Հայրյանը նաեւ հավելեց, որ հիմա իրենք դիմում են Ֆրանսիայի կառավարությանը. «Միթե իրենց հզորությունը, ուժը իրենց տված է միայն քաղաքական խաղեր խաղալու համար փոքր ազգերի վրա: Ինչո՞ւ Ֆրնսիան չգնաց արդարություն պհելու հետեւից, ինչու իր պարտականությունները չկատարեց:
Մենք ծրագրել էինք, որ ՌԴ-ի եւ Ֆրանսիայի դեսպանատներ այցելելուց հետո կգնանք նաեւ ԱՄՆ դեսպանատան մոտ, բայց ընկերներս ուրիշ խորհուրդ տվեցին՝ Ֆրանսիայի դեսպանատան մոտ անել նստացույց այնքան ժամանակ, մինչեւ մեզ կընդունեն»: