Չինաստանում տղամարդը զենքով հարձակվել է մանկապարտեզի վրա եւ սպանել երեք մարդու
Չինաստանի Ցզյանսի նահանգում անհայտ զինված տղամարդը հարձակվել է մասնավոր մանկապարտեզի վրա։ Այս մասին տեղեկացրել է Agence France Presse (AFP)-ը Թվիթերում։
«Դիմակով եւ կեպիով գանգստերը զինված հարձակում է գործել մասնավոր մանկապարտեզի դեմ Անֆու գավառում»,- տեղեկացրել են տեղի ոստիկանությունում։ Գրոհի հետեւանքով երեք մարդ զոհվել է, տուժել է առնվազն վեց հոգի։
Գործակալությունը չի նշել զոհվածների եւ տուժածների տարիքը, ինչպես նաեւ զինատեսակը, որով չարագործը հարձակվել է մանկապարտեզի վրա։ Ներկա պահին կասկածյալը՝ 48-ամյա տղամարդը, հետախուզման մեջ է։