Բուլղարիայում նոր խորհրդարանական ընտրություններ են սպասվում
Բուլղարիայի սոցիալիստական կուսակցությունը չորեքշաբթի օրը հրաժարվել է նոր կոալիցիոն կառավարություն առաջարկելու ծրագրերից, քանի որ չի կարողացել մեծամասնություն ապահովել խորհրդարանում, որը երկրին խոստանում է նոր ընտրություններ անցկացնել աշնանը, հաղորդում է Reuters-ը։
Երկրի նախագահ Ռումեն Ռադեւն այժմ պետք է նշանակի ժամանակավոր կաբինետ, որը կկառավարի երկիրը մինչեւ նոր ընտրությունների անցկացումը, ամենայն հավանականությամբ, հոկտեմբերին: Սոցիալիստները կառավարություն ձեւավորելու իրենց երրորդ եւ վերջին փորձն են արել այն բանից հետո, երբ բարեփոխիչ վարչապետ Կիրիլ Պետկովի կոալիցիոն կառավարությունը անցյալ ամիս տապալվեց անվստահության քվեով՝ մեծամասնությունը կորցնելուց հետո: Սոցիալիստները հեռացող կառավարության իրենց գործընկերների հետ համաձայնության են եկել համատարած կաշառակերության դեմ պայքարի վեցամսյա ծրագրի եւ ձեռնարկություններին փրկելու միջոցների շուրջ՝ գների աճի պայմաններում, սակայն չեն կարողացել ստանալ նախկին դաշնակցի՝ ITN կուսակցության աջակցությունը: