British American Tobacco-ի կիսամյակային շահույթը նվազել է 25 տոկոսով՝ ռուսական շուկայից դուրս գալու պատճառով
Չորեքշաբթի օրը British American Tobacco-ն հայտնել է, որ 957 միլիոն ֆունտ սթեռլինգի (1,15 միլիարդ դոլար) վնաս է կրել՝ իր ռուսական բիզնեսի փոխանցման հետ կապված, ինչը ծխախոտ արտադրողի կիսամյակի շահույթը նվազեցրել է 25 տոկոսով, հաղորդում է Reuters-ը:
Ընկերությունը, որը նաեւ արտադրում է Pall Mall եւ Dunhill սիգարետներ եւ վերահսկում է ռուսական շուկայի գրեթե մեկ քառորդը, հունիսին հայտարարել է, որ բիզնեսը վաճառելու մասին բանակցություններ է վարում երկրում դիստրիբյուտորի հետ:
Բաժնետոմսերի փոխանցման մասին պայմանագիր չի կնքվել, հայտնել են ընկերությունում։
British American Tobacco-ն հայտնել է գործարքներից շահույթի 25 տոկոս՝ մինչեւ 3,68 միլիարդ ֆունտ սթեռլինգ (4,44 միլիարդ դոլար) նվազման մասին՝ մինչեւ հունիսի 30-ը վեց ամիս ժամանակահատվածում:
Սակայն 119-ամյա ընկերությունը պահպանել է ամբողջ տարվա իր կանխատեսումը եւ հայտնել է առաջին կիսամյակում սպասվածից ավելի բարձր շահույթի մասին՝ վեյպերի եւ նիկոտինային ապրանքների աճող պահանջարկի ու գների բարձրացման ֆոնին:
Առաջին կիսամյակի շահույթը կազմել է 12,87 միլիարդ ֆունտ սթեռլինգ իսկ ճշգրտված օպերացիոն մարժան` 43,9 տոկոս, ինչը գերազանցել է ընկերության կանխատեսումները, որը կազմել է 12,62 միլիարդ ֆունտ սթեռլինգ եւ օպերացիոն մարժայի 43,5 տոկոսը: