Հայտնի է Լեոնարդո դի Կապրիոյի մասնակցությամբ Մարտին Սկորսեզեի ֆիլմի թողարկման ամսաթիվը

Մարտին Սկորսեզեի «Killers of the flower moon» ֆիլմի պրեմիերան կկայանա 2023 թվականին։ Լեոնարդո Դի Կապրիոյի, Ջեսի Պլեմոնսի եւ Ռոբերտ Դե Նիրոն գլխավոր դերակատարներով վեսթերն այս սեզոնին չի մասնակցի «Օսկար» մրցանակաբաշխությանը։ Այս մասին հաղորդում է Deadline-ը։

Ի սկզբանե ֆիլմի թողարկումը նախատեսված էր 2023 թվականին։ Սակայն Apple-ը, որը պատասխանատու է արտադրության համար, բանակցություններ էր վարում ամսաթիվը 2022 թվական տեղափոխելու համար: Չնայած այն հանգամանքին, որ կինոնկարի վրա հիմնական աշխատանքն ավարտվել է 2021 թվականի սեպտեմբերին, այն դեռ պատրաստ չէ։

Ժապավենը կլինի Սկորսեզեի հարուստ ֆիլմագրության առաջին վեսթերնը: Դեւիդ Գրանի վեպը պատմում է Օսեյջ հնդկական բնակավայրի բնիկների սպանության մասին։ Ըստ սյուժեի՝ 1920-ականներին նրանք հայտնաբերում են նավթի հանքավայրեր իրենց հողերում։ Շուտով բնակիչները սկսում են մահանալ առեղծվածային հանգամանքներում, ուստի նորաստեղծ ՀԴԲ-ին հանձնարարվում է հետաքննել, թե ինչ է կատարվում։