Իսրայելի եւ պաղեստինցիների միջեւ խաղաղ բանակցություններ վերսկսելու համար «հողը դեռ չի հասունացել». Բայդեն

ԱՄՆ նախագահ Ջո Բայդենը շարունակում է աջակցել Պաղեստինի անկախ պետությանը, սակայն ասել է, որ «հողը դեռ չի հասունացել» Իսրայելի եւ պաղեստինցիների միջեւ խաղաղ բանակցությունները վերսկսելու համար։

Բայդենը ելույթ է ունեցել օկուպացված Արեւմտյան ափին Պաղեստինի նախագահ Մահմուդ Աբասի հետ մամուլի ասուլիսի ժամանակ։

Մեկնաբանությունները, հավանաբար, հիասթափեցրել են պաղեստինցիներին, որոնք հույս ունեն, որ ԱՄՆ-ը կստիպի Իսրայելին վերսկսել խաղաղ բանակցությունները: Վերջին առարկայական բանակցությունները տապալվել են ավելի քան տասը տարի առաջ։

Բայդենի խոսքով՝ աշխարհը «չի կարող սպասել» խաղաղության համաձայնագրի, եւ պետք է քայլեր ձեռնարկվեն պաղեստինյան ժողովրդի կյանքը բարելավելու համար։

Աբասը նշել է, որ տարածաշրջանում «խաղաղության բանալին» «սկսվում է մեր հողի իսրայելական օկուպացիայի դադարեցումից»։ «Խաղաղության բանալին սկսվում է Պաղեստինի պետության ճանաչումից»,- ասել է Աբասը:

Բայդենը նշել է, որ պաղեստինցիներին անհրաժեշտ է քաղաքական ճանապարհ դեպի Իսրայելի հետ խաղաղություն, նույնիսկ եթե հակամարտության երկու պետությունների լուծումը հեռու է թվում։ «Պետք է լինի քաղաքական հորիզոն, որը Պաղեստինի ժողովուրդը կարող է իրականում տեսնել կամ գոնե զգալ: Մենք չենք կարող թույլ տալ, որ անհուսությունը գողանա ապագան»,- ասել է Բայդենը։