Իսրայելի եւ ԱՄՆ-ի առաջնորդները հայտարարել են Իրանի հարցում իրենց տարաձայնությունների մասին
Իսրայելի եւ Միացյալ Նահանգների առաջնորդները հայտարարել են իրենց տարաձայնությունների մասին այն հարցում, թե ինչպես կանգնեցնել միջուկային զենքի մշակումը Իրանի կողմից, չնայած այն բանին, երբ նախագահ Ջո Բայդենը հայտարարել է Իսրայելի անվտանգության հանդեպ Ամերիկայի «երկաթե հանձնառության» մասին, հաղորդում է AP-ն:
Երուսաղեմում համատեղ մամուլի ասուլիսի ժամանակ Իսրայելի վարչապետն ասել է, որ միջազգային հանրությունը պետք է պատրաստ լինի ուժ կիրառել Իրանի դեմ՝ նրա միջուկային ծրագիրը դադարեցնելու համար։ «Միակ բանը, որը կկանգնեցնի Իրանին, այն գիտակցումն է, որ եթե նրանք շարունակեն զարգացնել իրենց միջուկային ծրագիրը, ազատ աշխարհը ուժ կկիրառի»,- ասել է նա։ «Նրանց կանգնեցնելու միակ ճանապարհը իրական ռազմական սպառնալիք առաջ քաշելն է»։
Բայդենը պաշտպանել է Իրանի միջուկային զենք ստեղծելը կանխելուն ուղղված միջազգային համաձայնագիրը վերանայելու իր ջանքերը:
«Ես առաջվա պես կարծում եմ, որ դիվանագիտությունն այս արդյունքին հասնելու լավագույն միջոցն է»,- ասել է նա՝ հավելելով, որ ԱՄՆ-ը «չի պատրաստվում հավերժ սպասել» Իրանի միջուկային համաձայնագրի թարմացմանը։
Բայդենը եւ Լապիդը ստորագրել են համատեղ հռչակագիր, որում ԱՄՆ-ը խոստացել է օգտագործել «իր ազգային հզորության բոլոր տարրերը», որպեսզի Իրանին խանգարի միջուկային զենք ստեղծել:
Ուրբաթ օրը Բայդենը մեկնում է Սաուդյան Արաբիա՝ ձգտելով ամրապնդել Իսրայելի զարգացող կապերը Պարսից ծոցի արաբական երկրների հետ եւ ձեւավորվող
տարածաշրջանային դաշինքն ընդդեմ Իրանի:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Արսեն Զախարյանի տրանսֆերային արժեքն աճել է
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Այլ երկրի կողմից մեկ ուրիշ երկիր զորքերի ուղարկումը «շատ նենգ, անխոհեմ և անօրինական» գործողություն է
FoodexJapan սննդի և խմիչքների ցուցահանդես. հայկական գինեգործական ընկերությունները միասնական տաղավարո...