Դեմի Մուրը լողազգեստների հավաքածու է ներկայացրել
Հոլիվուդյան դերասանուհի Դեմի Մուրը լողազգեստների շարք է նախագծել Andy Swim ապրանքանիշի հավաքածուի համար։ Գովազդային արշավին մասնակցել է հենց ինքը՝ Բրյուս Ուիլիսի նախկին կինը՝ ցուցադրելով կատարյալ կազմվածքը։ Դերասանուհին խոստովանել է, որ նախկինում երբեք չի զբաղվել նորաձեւության դիզայնով, «բացառությամբ իր երեւակայության մեջ», գրում է WWD-ն։
Մուրը նպատակ ուներ ստեղծել հավաքածու, ինչպես իր հասակակիցների, այնպես էլ իր դստեր հասակակից աղջիկների համար: Համագործակցությունը, որը կոչվում է Demi Moore x Andie, ներառում է լողազգեստի 10 մոդել։
Դրանք պատրաստված են Իտալիայից եւ Ֆրանսիայից մատակարարվող շքեղ կտորներից։ Լողազգեստները կարում են Մարոկկոյի գործարանում։