Արիզոնայում Մարս թռչող հատուկ սարք են ստեղծել
Արիզոնայի համալսարանի գիտնականները տիեզերանավերի համար նոր հայեցակարգ են մշակել՝ Մարսն ուսումնասիրելու նպատակով: Սարքերը թռչելու համար շարժչի կարիք չունեն եւ ալբատրոսների պես սավառնում են օդում, գրում է Hi-Tech-ը։
Ինժեներները մշակել են առանց էներգիայի սլացող սարք, որը կարող է մի քանի օր սավառնել Մարսի մակերեւույթին՝ շարժման համար օգտվելով միայն քամու ուժից: Իրենց աշխատանքի համար գիտնականներն ուսումնասիրել են ալբատրոսների թռիչքի տեխնիկան։
Հայտնի է, որ Մարսի վրա արդեն իսկ կան ինքնաթիռներ, սակայն կարմիր մոլորակի հազվագյուտ մթնոլորտում թռչելու դժվարությունը մեծ էներգիա է պահանջում՝ վերելքի համար:
Հետազոտողները պատրաստվում են սարքը փորձարկել Երկրի վրա մինչեւ այս ամառվա ավարտը: