Իսկ այս սրբապղծության և կռապաշտության քարոզի համար ո՞վ է պատասխան տալու

Երեկ ԶԼՄ-ներից տեղեկացա, որ ԱՄՆ-ում հարձակման է ենթարկվել դերասան Սոս Կարապետյանը, ով ֆիլմերից մեկում, մի դրվագ-տեսարանում ծաղրում է Քրիստոսի կերպարը... Ըստ դերասանի, հարձակվողները բացականչել են. "Խի եք ձեռք առնում Հիսուսին, էս ինչ կինո եք նկարել..."։

Ինչին դերասանը արձագանքում է. "Սա կինո է, վերջիվերջո պետք է հասկանաք, թե՞ ոչ..."։

Այս ամենը ևս մեկ անգամ ապացուցեց, որ մեր ժողովուրդի մի ստվար հատվածը հիվանդ է...

Դերասանին կարելի է ծեծել իր դերը կատարելու համար, իսկ Աստծո և Քրիստոսի "տները"՝ տաճարները, եկեղեցիները և մեր սրբավայրերը դրանք պղծող թշնամում հանձնողին պաշտել որպես "Հիսուս", "փրկիչ", "Աստծո նվեր" ու կռապաշտության և սրբապղծության վարպետության դասեր ցույց տալ սոցցանցերում՝ կապիտուլյանտ և մեր սրբավայրերը թշնամուն հանձնող Նիկոլ Անհողին պատկերելով որպես սուրբ...

Պարզվում է, սրբացվում է ոչ միայն հողատու Նիկոլը, այլև դրա շրջապատից ոմանք...

Ի դեպ, Հայաստանի վարչապետի պաշտոնը զբաղեցնող կապիտուլյանտ Նիկոլը ևս չի վարանում իրեն համեմատել Հիսուսի հետ, որը շատ նորմալ է ընկալվում հասարակության հիվանդ և անգրագետ մասսայի կողմից...

Դերասան ծեծողներ, նայե՛ք այս այլանդակ նկարներին, որոնք հարյուր հազարներով տարածվում են այս իշխանությունների երկրպագուների կողմից սոցցանցերում և պատասխանեք՝ "Իսկ այս սրբապղծության և կռապաշտության քարոզի համար ո՞վ է պատասխան տալու"...

Գագիկ Համբարյանի ֆեյսբուքյան էջից