Սուտ դիպլոմները քիչ էին, հիմա էլ՝ մեդալի սուտ պատմություն
Տարբեր պաշտոնյաների պետական նմուշի դիպլոմներին չհամապատասխանող ավարտական փաստաթղթերի սկանդալային պատմություններին եկավ միանալու ժողովրդական-գուսանական կատարողական արվեստի «վարպետ», գլխավոր դատախազ Արթուր Դավթյանի՝ Ռուսաստանի Նախագահի կողմից մեդալով պարգևատրվելու լուրը։
Մասնավորապես, ՀՀ գլխավոր դատախազի խորհրդական Գոռ Աբրահամյանը հունվարի 12-ին տեղեկատվություն է տարածել այն մասին, որ «Ռուսաստանի Դաշնության նախագահ Վլադիմիր Պուտինի 2021թ. ապրիլի 20-ի հրամանով Հայաստանի Հանրապետության գլխավոր դատախազ Արթուր Դավթյանը երկու երկրների դատախազությունների միջև արդյունավետ համագործակցության համար պարգևատրվել է «Ռուսաստանի դատախազության 300 տարին» հոբելյանական մեդալով»:
Իրականում Ռուսաստանի Դաշնության Նախագահը Արթուր Դավթյանին պարգևատրելու վերաբերյալ որոշում չի կայացրել։ Մեդալի ձևաթղթի վրա վկայակոչված ՌԴ Նախագահի 2021 թվականի ապրիլի 20-ի թիվ 229 հրամանագիրը, ոչ թե վերաբերում է Արթուր Դավթյանի պարգևատրելու, այլ «Ռուսաստանի դատախազության 300-ամյակ» մեդալ սահմանելու մասին։ Իսկ այդ մեդալով Արթուր Դավթյանի պարգևատրել է ոչ թե Ռուսաստանի Նախագահը Վլադիմիր Պուտինը, այլ ՌԴ գլխավոր դատախազ Իգոր Կրասնովը։
Հատկանշական է, որ ՌԴ գլխավոր դատախազի 2021 թվականի օգոստոսի 12-ի թիվ 463 հրամանով սահմանվում է, թե ում կարող է շնորհվել «Ռուսաստանի դատախազության 300-ամյակ» մեդալը, որում հիշատակում չկա այլ երկրների գլխավոր դատախազների մասին։ Այսինքն, այդ մեդալը նախատեսված է միայն Ռուսաստանի Դաշնության դատախազության աշխատողներին և վետերաններին պարգևատրելու համար։ Ստացվում է, որ Արթուր Դավթյանը, ստանալով այդ մեդալը, համաձայնել է ընդունել Ռուսաստանի Դաշնային սուբյեկտի դատախազի կամ նրա հավասարեցված անձի կարգավիճակը։
Դա, իհարկե, ձեռքբերում է Ադրբեջանի շրջանային, կամ Թուրքիայի վիլայեթության դատախազի կարգավիճակի համեմատ։
Ռուսաստանի Դաշնության Նախագահի պաշտոնական կայքից կարելի է տեղեկանալ, որ ՌԴ Նախագահի կողմից պետական պարգևով պարգևատրված ՀՀ միակ գլխավոր դատախազը եղել է Աղվան Հովսեփյանը, ով ՌԴ Նախագահի 2012 թվականի ապրիլի 14-ի թիվ 445 հրամանագրով պարգևատրվել է Պատվո շքանշանով։ Խոսքը նույն Աղվան Հովսեփյանի մասին է, ով ներկայիս գլխավոր դատախազ Արթուր Դավթյանի որոշմամբ, գտնվում է անազատության մեջ՝ Ռոբերտ Քոչարյանին աջակցելու հրապարակային գործունեությունից հետո, ակնհայտորեն քաղաքական դրդապատճառներով։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները