Դոնորական արյան անհրաժեշտություն միշտ կա․ Արյունաբանական կենտրոնի տնօրեն
Այսօրվա դրությամբ դոնորական արյան պաշարները դեռեւս բավարարում են, բայց այդ պաշարներն անհրաժեշտ է անընդհատ լրացնել։ Այս մասին NEWS.am Medicine-ի հետ զրույցում ասաց պրոֆեսոր Յոլյանի անվան արյունաբանական կենտրոնի տնօրեն Սամվել Դանիելյանը։
Հայաստանի հիվանդանոցներում, ինչպես նախկինում, մեծ թվով մարդիկ կան, Արցախում Ադրբեջանի ագրեսիայի հետեւանքով վիրավորներ։ Նրանցից շատերը դեռեւս բուժում են ստանում, նաեւ մեծ թվով վիրաբուժական միջամտություններ են կատարվում, եւ դոնորական արյան կարիքն առայժմ մեծ է։ Հենց այս պատճառով դոնորական արյուն հանձնել ցանկացող եւ համապատասխան չափանիշներով բոլոր մարդիկ կարող են դիմել Արյունաբանական կենտրոն։
Սամվել Դանիելյանի խոսքով՝ այս պահին արյան նախընտրելի խմբեր չկան, բոլորը խմբերը միատեսակ անհրաժեշտ են։
Հիշեցնենք, որ արյան դոնոր դառնալու համար անհրաժեշտ է համապատասխանել հետեւյալ չափանիշներին․
Տարիքը՝ 18 տարեկանն անց եւ 60-ից երիտասարդ,
Որեւիցե քրոնիկական հիվանդության բացակայություն (բացարձակ հակացուցում),
Որեւիցե սուր հիվանդությունների բացակայություն (ժամանակավոր հակացուցում),
Կանանց դեպքում 53 կիլոգրամից ոչ պակաս քաշ եւ տղամարդկանց դեպքում՝ 63 կիլոգրամից ոչ պակաս,
Զարկերակային ճնշումը նորմայի շրջանակում (որոշում է բժիշկը),
Զարկերակը՝ րոպեում 60-90 զարկ։
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
Պապոյանը ներկայացրել է ՀՀ-ից Ադրբեջան արտահանվող ապրանքների քննարկվող ցանկը. Factor
Ով ինչպես է սիրում Հայաստանը
Չորս հայ գերրիներ են վերադարձել Հայաստան
94 տարեկանում մահացել է սպարապետ Վազգեն Սարգսյանի հայրը
Աշխատանքի հնարավորություն՝ ՊԵԿ հեռախոսազանգերի կենտրոնում
ՀՅԴ-ն որոշում ունի․ որ ուժի հետ դաշինք կկազմի
26 տարիների ընթացքում ձեռնադրվել է 491 հոգևորական, որոնք այսօր ծառայում են Հայաստանի և սփյուռքի թեմե...
Լոռու մարզում վերջերս նկատված ազնվացեղ եղջերուն վերադարձվել է «Դիլիջան» ազգային պարկ
Ազատել եմ աշխատանքից ՊՆ այն աշխատակիցներին, որոնց զավակները այլ երկրի քաղաքացի են․ Պապիկյան