Ջեյմս Ուորլիք. ԼՂ հարցով բանակցությունները պետք է սկսել որքան հնարավոր է շուտ, այլապես այն կընդլայնվի
Անհրաժեշտ է որքան հնարավոր է շուտ սկսել ԼՂ հակամարտության կարգավորման հարցով բանակցությունները, այլապես այն կընդլայնվի: Այս մասին BBC-ի հետ զրույցում ասել է ԵԱՀԿ ՄԽ ամերիկացի նախկին համանախագահ Ջեյմս Ուորլիքը:
Նրա խոսքով՝ «հակամարտության կողմերը՝ Հայաստանն ու Ադրբեջանը, պետք է գիտակցեն, որ այն պետք է լուծվի միայն բանակցային ճանապարհով»: «Եվ միայն դրանից հետո համանախագահ երկրները կարող են իրենց դերն ունենալ, այսինքն՝ նրանց նստեցնել բանակցային սեղանի շուրջ: Ես խոսում եմ ոչ թե պարզապես Հայաստանի վարչապետի եւ Ադրբեջանի նախագահի միջեւ զրույցի, այլ լիարժեք բանակցությունների մասին: Դա երկար գործընթաց կլինի, ուստի հարցերի զանգվածը մնում է չլուծված, սակայն այն պետք է սկսվի: Եվ դրա համար կողմերը պետք է պատրաստակամություն ցուցաբերեն եւ լուրջ վերաբերվեն դրան»,-նշել է նա:
Նրա կարծիքով՝ «բանակցությունները կարող են հաջող լինել միայն այն դեպքում, երբ կողմերը համաձայնեցնեն որոշ բազային սկզբունքներ, որոնք ներառում են՝ զորքերի դուրսբերում ԼՂ շուրջ տարածքներից եւ ԼՂ կարգավիճակ»: «Կան նաեւ այլ հարցեր՝ ինչ անել փախստականների հետ, ինչպիսին է խաղաղապահների դերը, ինչպիսին են լինելու Հայաստանի հարաբերությունները Լեռնային Ղարաբաղի հետ: Այդ բոլոր հարցերն արդեն վաղուց հայտնի են, եւ Հայաստանն ու Ադրբեջանը պետք է դրանք կիրառեն բանակցություններ սկսելու համար»,-նշել է նա:
Ուորլիքի խոսքով՝ եւ՛ Մինսկի խումբը, եւ՛ համանախագահները կարեւոր եւ օգտակար դեր են խաղացել: «Սակայն վերջնական որոշումը կախված է Հայաստանից եւ Ադրբեջանից, որոնք պետք է գիտակցաբար որոշեն վիճելի հարցերը խաղաղ ճանապահով: Ներկայիս իրավիճակը շարունակվել չի կարող: Իրավիճակը կմնա պայթյունավտանգ, քանի դեռ խնդիրը չի լուծվել խաղաղ ճանապարհով…Ես հասկանում եմ համընդհանուր հիասթափությունը: Սակայն ո՞րն է այլընտրանքը: Հայաստանի եւ Ադրբեջանի միջեւ լայնամասշտաբ պատերազմը ոչինչ չի լուծի: Այն կլինի շատ վտանգավոր, կհանգեցնի բազմաթիվ զոհերի եւ կարող է տարածվել ողջ տարածաշրջանում: Պատասխան հնարավոր չէ ստանալ մարտի դաշտում: Այն կգտնվի միայն այն ժամանակ, երբ կողմերը գիտակցեն, որ պետք է պայմանավորվեն հենց երկարաժամկետ կարգավորման շուրջ»,-ընդգծել է Ուորլիքը:
Խոսելով ԱՄՆ-ի դիրքորոշման մասին՝ դիվանագետը նշել է. «Ցավոք, ԱՄՆ-ն զբաղված է կայանալիք ընտրություններով եւ այլ ներքին հարցերով: Ես դա ասում եմ, քանի որ ԱՄՆ-ն պետք է էլ ավելի կարեւոր դեր խաղար այդ վտանգավոր իրավիճակը լուծելու համար: Հուսով եմ՝ ընտրությունների ավարտից հետո ԱՄՆ-ն կվերադառնա մնացած աշխարհի խնդիրներին, այդ թվում՝ Լեռնային Ղարաբաղի հարցին: Ես ինքս աշխատել եմ Ջոն Քերիի հետ, երբ նա պետքարտուղար էր: Եվ ես գիտեմ, որ նա անձամբ շփվել է եւ՛ Ադրբեջանի, եւ՛ Հայաստանի իշխանությունների, ինչպես նաեւ համանախագահների հետ: ԱՄՆ ապագա վարչակազմը պետք է գործադրի բոլոր ջանքերը Կովկասում, ինչպես նաեւ աշխարհի այլ տարածաշրջաններում հակամարտությունները կարգավորելու համար»:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Բագրատ Սրբազանի խափանման միջոցը փոխելու միջնորդություն է ներկայացվել
Գիտնականները նշել են մոլորակի ամենացուրտ վայրը