Դեպրեսիայի 5 ֆիզիոլոգիական ախտանիշ, որի մասին դուք գուցե չգիտեիք
Դեպրեսիան ազդում է ոչ միայն մարդու տրամադրության եւ հոգեկան վիճակի վրա, այլ` երբեմն նաեւ ֆիզիկական առողջության վրա:
Ի՞նչ ֆիզիոլոգիական ախտանիշներ կարող են վկայել դեպրեսիայի մասին:
Գլխացավեր
Մենք սովորաբար գլխացավերը վերագրում ենք հոգնածությանը կամ սթրեսին, բայց դրանք կարող են նաեւ դեպրեսիայի ախտանիշ լինել, հատկապես եթե դրանք պատահում են քրոնիկական հոգնածության, անտարբերության կամ անընդհատ դյուրագրգռության ֆոնին: «Դեպրեսիվ» գլխացավը, ըստ մասնագետների, հաճախ զգացվում է որպես բաբախող լարվածություն, հատկապես` հոնքերի շրջանում: Կանոնավոր առանց դեղատոմսի ցավազրկողները սովորաբար օգնում են ազատվել այս ցավից, բայց ժամանակի ընթացքում ցավը վերադառնում է:
Աչքերի հետ կապված խնդիրներ կամ տեսողության վատթարացում
Գերմանացի գիտնականները պարզել են, որ դեպրեսիայով տառապող մարդիկ ավելի վատ են տարբերում սեւ-սպիտակ պատկերները: Եթե աշխարհը ձեզ համար մոխրագույն եւ ձանձրալի է թվում, եւ ձեր տեսողությունը վատացել է, միգուցե խնդիրը դեպրեսիայի մեջ է:
Մեջքի ցավ
Մեջքի ցավը կարող է կեցվածքի հետ կապված խնդիրների արդյունք լինել, բայց կարող է կապված լինել նաեւ դեպրեսիայի հետ, հատկապես, եթե դա դրսեւորվում է ոչ թե տանը, այլ, օրինակ, աշխատավայրում:
Որովայնի ցավ
Որովայնի ցավը եւ սպազմերը կարող են կապված լինել մարսողության խանգարման կամ ՆԴՀ-ի հետ: Սակայն գիտնականները պարզել են, որ ստամոքսի անհանգստությունը, փքվածությունը եւ նույնիսկ սպազմերը կարող են դեպրեսիայի նշան լինել: Մարսողական խնդիրները եւս կարող են վկայել դեպրեսիայի մասին. գիտնականները ապացուցել են, որ անհանգստությունն ու դեպրեսիան փոխկապակցված են աղեստամոսքային համակարգի գործունեության հետ:
Ցավային շեմի անկում
Եթե չնչին քերծվածքները կամ կապտուկները ձեզ ուժեղ ցավ եւ անհանգստություն են պատճառում, ամենայն հավանականությամբ, ձեր ցավային շեմն ընկել է է: 2015-ի ուսումնասիրությունը ցույց է տվել, որ դեպրեսիայի դեպքում ցավի նկատմամբ հանդուրժողականությունը հաճախ նվազում է:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները