Ռուսաստանը սկսել է կորոնավիրուսի դեմ երկրորդ պատվաստանյութի փորձարկումները, որը «զերծ է առաջին պատվաստանյութի կողմնակի ազդեցություններից»
Ռուսաստանում սկսվել են կորոնավիրուսի դեմ երկրորդ պատվաստանյութի փորձարկումները, որը «զերծ է առաջին պատվաստանյութի կողմնակի ազդեցություններից», գրում է Daily Mail-ը։
Նոր պատվաստանյութը մշակվել է «Վեկտոր» վիրուսաբանության և կենսատեխնոլոգիայի պետական գիտական կենտրոնում։
EpiVacCorona անվանումով երկրորդ ռուսական պատվաստանյութի կլինիկական փորձարկումները կավարտվեն սեպտեմբերին, 57 կամավորների մոտ, որոնց վրա արդեն իրականացվել են փորձարկումները, կողմնակի ազդեցություններ չեն հայտնաբերվել։
Պատվաստանյութը նպատակ ունի 14-21 օր ընդմիջման ընթացքում երկու ներարկումների միջոցով օրգանիզմում իմունիտետ ձևավորել։
Ռուսաստանում հույս ունեն, որ այն կգրանցվի հոկտեմբերին, իսկ արտադրությունը կսկսվի նոյեմբերին։
Հիշեցնենք, որ ՌԴ նախագահ Վլադիմիր Պուտինը շաբաթներ առաջ կառավարության անդամների հետ խորհրդակցության ժամանակ հայտարարել էր Ռուսաստանում կորոնավիրուսի դեմ աշխարհում առաջին պատվաստանյութի գրանցման մասին: Նշվում է, որ այն «Սպուտնիկ V» («Спутник V») անվանումն է ստացել՝ 1957 թվականին արձակված Երկրի առաջին արհեստական արբանյակի անվան նմանությամբ։
Դեղամիջոցն իրենից ներկայացնում է ներմկանային ներարկման լուծույթ:
Պատվաստումները ծրագրում են անցկացնել 2 փուլով. սկզբում առաջին բաղադրիչով, երեք շաբաթ անց` երկրորդ:
ՌԴ առողջապահության նախարարությունում տեղեկացրել են, որ կրկնակի պատվաստումը թույլ է տալիս մինչև երկու տարի ժամկետով իմունիտետ ձևավորել օրգանիզմում:
Արևմուտքում կասկած են հայտնել ռուսական գրանցված պատվաստանյութի արդյունավետության ու անվտանգության հարցում:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները