ԵԱՀԿ Մինսկի խումբը կոչ է անում Հայաստանին եւ Ադրբեջանին նախապատրաստվել բանակցությունների
ԵԱՀԿ Մինսկի խմբի համանախագահները (Իգոր Պոպով, ՌԴ, Ստեֆան Վիսկոնտի, Ֆրանսիա, Էնդրյու Շոֆեր, ԱՄՆ) եւ ԵԱՀԿ գործող նախագահի անձնական ներկայացուցիչ (PRCIO) Անջեյ Կասպրշիկը հանդես են եկել հայտարարությամբ։
«Համանախագահները եւ PRCIO-ն ողջունում են հայ-ադրբեջանական սահմանին հուլիսի 16-ից հարաբերական անդորրը։ Համանախագահները կոչ են անում կողմերին օգտվել ակտիվ ռազմական գործողությունների ներկայիս նվազմամբ լուրջ առարկայական բանակցություններին նախապատրաստվելու համար հակամարտության համապարփակ լուծումը գտնելու նպատակով։ Համանախագահները կրկին ընդգծում են, որ այս դժվարին շրջանում խիստ կարեւոր է զերծ մնալ սադրիչ հայտարարություններից եւ գործողություններից՝ ներառյալ քաղաքացիական հասարակությանը կամ խիստ կարեւոր ենթակառուցվածքին ուղղված սպառնալիքները կամ ենթադրյալ սպառնալիքները։
Համանախագահները նշում են, որ վերջին հրապարակավ հայտարարությունները, որոնք քննադատում են համանախագահող երկրների ջանքերը եւ /կամ ձգտում են միակողմանի կարգով հաստատել կարգավորման գործընթացի ձեւաչափի նոր «պայմաններ» կամ փոփոխություններ, չեն նպաստում կառուցողական երկխոսության վերականգնմանը։ Համանախագահները պնդում են, որ ամուր խաղաղ կարգավորման համար քաղաքական կամքը լավագույնս դրսեւորվում է մաքսիմալիստական դիրքորոշումներից զերծ մնալու, հրադադարը խստորեն պահպանելու եւ սադրիչ հայտարարություններ եւ գործողություններ չկատարելու մեջ»,-նշվում է հայտարարության մեջ։
Ըստ հայտարարության՝ համանախագահներն ու PRCIO-ն երախտապարտ են միջազգային կազմակերպություններին, այդ թվում՝ ՄԱԿ-ին, ԵԱՀԿ-ին եւ ԵՄ-ին ակտիվ մասնակցության համար, որոնց կոչերը հրադադարը պահպանելու եւ երկխոսությունը վերականգնելու հարցում աջակցում են համանախագահների ջանքերին։
«Համանախագահները պատրաստ են հանդիպել ղեկավարների կամ նրանց ներկայացուցիչների հետ ցանկացած ժամանակ։ Համանախագահները նաեւ ընդգծում են, որ ԵԱՀԿ դիտորդները պետք է վերադառնան տարածաշրջան հնարավորինս արագ»,-ասվում է հայտարարության մեջ։
Գարեգին Երկրորդ Կաթողիկոսի եղբոր և եղբորորդու խափանման միջոցը փոխվել է
Նախկին դատախազը ինքնասպանություն է գործել՝ նետվելով կամրջից
Էլեկտրաէներգիայի անջատումներ Երևանի 7 վարչական շրջանում և 6 մարզում
Էպշտեյնը գաղտնի պահեստային տարածք է վարձակալել՝ լուսանկարներն ու համակարգիչները իշխանություններից թա...
Քաղաքապետը հանձնարարել է ինտենսիվ վերահսկողություն իրականացնել (տեսանյութ)
Հրշեջ-փրկարարները մարել են Իջևանի գերեզմանատներից մեկի հարակից հատվածում բռնկված հրդեհը
ԱՄՆ-ի կողմից Իրանի վրա ռшզմական հшրված հասցնելու որոշումն արդեն կայացվել է․ ԿՀՎ նախկին գործակալ
ԱՄՆ-ը մեծացրել է ռազմական ինքնաթիռների քանակը Իրանի շուրջ գտնվող բազաներում
Վիճաբանություն և ծեծկռտուք «Ռոյալ Երևան» ռեստորանի դիմաց․ կան ձերբակալվածներ
Թուրքիան հայտարարել է, որ ԱՄՆ-ը չի սկսի ցամաքային գործողություն Իրանի դեմ