Ո՞ր տներում է կորոնավիրուսով վարակվելու ռիսկն ավելի բարձր
Հղի կանայք 3 անգամ ավելի հաճախ են վարակվում կորոնավիրուսով բազմամարդ տներում, պարզել են Columbia University Irving Medical Center-ից մասնագետները, որոնք հետազոտել են ծննդկանների շրջանում կորոնավիրուսի թեստավորման արդյունքները, որոնք հոսպիտալացվել էին Նյու Յորքում մարտի 22-ից ապրիլի 21-ն ընկած ժամանակահատվածում՝ հենց այդ ժամանակ էր քաղաքում գրանցվել համաճարակի գագաթնակետը:
medportal.ru-ի հաղորդմամբ՝ մասնագետների տեսադաշտում հայտնված կանանցից 396-ից ախտորոշումը հաստատվել էր 71-ի մոտ, ինչը 17,9 տոկոսն է:
Այնուհետեւ մասնագետները վերլուծել էին ծննդկանների տան հասցեներն ու պարզել, որ խիտ բնակեցված տներում (սենյակում մեկից ավելի մարդ) եւ շենքերում բնակվող կանանց շրջանում վարակվելու հավանականությունը 3 անգամ ավելի բարձր է, քան ավելի բարեկեցիկ վայրերում կանանց մոտ: Այն շրջաններում, որտեղ բնակվում էին վարակված ծննդկանները, գրանցվել էր նաեւ գործազրկության բարձր մակարդակ:
«Մեր հետազոտությունը ցույց է տալիս սոցիալ-տնտեսական կարգավիճակը եւ միեւնույն տարածքում բնակչության մեծ թվի միջեւ կապը վարակվելու բարձր ռիսկի տեսանկյունից: Դա բացատրում է, թե ինչու են աֆրոամերիկացիներն ու լատինոամերիկացիները, որոնք ապրում են աղքատ թաղամասերում, ավելի շատ հակված վարակվել կորոնավիրուսով»,-ասել էԿոլումբիայի համալսարանից գինեկոլոգիայի եւ մանկաբարձության ամբիոնի դոցենտ Ալեքսանդր Մելամեդը:
Գիտնականները նաեւ պարզել են, որ կորոնավիրուսի տարածման վրա անմիջականորեն ազդում է առանձին տներում եւ թաղամասերում բնակչության խտությունը:
«Նյու Յորքում բնակչության ամենամեծ խտությունն է՝ ի տարբերություն ԱՄՆ բոլոր քաղաքների, սակայն մեր հետազոտությունը ցույց է տվել, որ վարակվելու ռիսկերն առավելապես կապված են առանձին տներում եւ թաղամասերում բնակության պայմանների հետ»,-ասել է հետազոտության համահեղինակ, դոկտոր Սինտիա Գյամֆի Բաներմանը:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Իրանի հարստացված ուրանի պաշարները միջուկային օբյեկտների փլատակներում են
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները