Լավրովը կարող էր նաեւ Ռոբերտ Քոչարյանի գործը ակնարկել․ քաղաքագետ
Ռուսաստանի ԱԳՆ ղեկավարը բավական թափանցիկ ակնարկ է արել։ Այս մասին ասաց քաղաքագետ Ստեփան Դանիելյանը՝ NEWS.am-ի խնդրանքով մեկնաբանելով Հայաստանի համար գազի գնի մասին ՌԴ արտգործնախարար Սերգեյ Լավրովի հայտարարությունը։
«Ինձ ավելի շուտ այլ հարց կհետաքրքրեր, որի պատասխանը կօգներ հասկանալ այս ամենը: Ինչու Ռուսաստանի արտգործնախարարը հիմա խոսեց Արցախի բանակցությունների մասին եւ մինչ այդ Մարիա Զախարովան հայտարարեց, որ բանակցությունները շարունակվում են: Խնդիրը պահի ընտրությունն էր: Եւ այդ կոնտեքստում ինչու գազի հարցը պայմանավորեց Հայաստանում ընթացող դատական պրոցեսներով: Այսինքն, բացահայտորեն, գազի գնի հարցը պայմանավորեց այլ հարցով:
Դա շատ թափանցիկ ակնարկ էր, եթե դա ակնարկ անվանենք, այնինչ շատ բացահատ դա արվեց: Ռուսաստանն ակնհայտորեն ցույց է տալիս, որ Հայաստանի ղեկավարի հետ խնդիրներ ունի եւ գուցե դա ցուցադրելու համար մեզ համար շատ ցավոտ կետի վրա է «սեղմել»:
Պարզ է, որ սա ընդամենը ենթադրություններ են, որովհետեւ մենք չգիտենք, թե վարագույրի ետեւում ինչ պրոցեսներ են ընթանում, բայց նման ենթադրության համար հիմնավոր պատճառներ կան։ Նաեւ խոսելով դատական պրոցեսների մասին, կարող է ոչ միայն ռուսական ձեռնարկությունների դատական պրոցեսները նկատի ունի, գուցե նաեւ Քոչարյանի գործը նկատի ուներ։ Մի բան ակնհայտ է, միջպետական հարաբերություններում խնդիրներ կան»,- նշեց քաղաքագետը։
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
Ով ինչպես է սիրում Հայաստանը
Չորս հայ գերրիներ են վերադարձել Հայաստան
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
«Գոլդեն Ֆլորենս»-ի արտադրական գործունեությունը կասեցվել է
ՀՅԴ-ն որոշում ունի․ որ ուժի հետ դաշինք կկազմի
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
Ես ուրախ եմ տեսնել հայ գերիների ազատ արձակումը
Հունվարի 1-ից սոցփաթեթի շահառուների համար հանվել է պարտադիր կանխարգելիչ բուժզննություն անցնելու պահա...