Պետությունը հայտարարում է, որ տեքստիլ ոլորտն ապրիլի 20-ից կարող է աշխատել, բայց ոստիկանությունը տուգանում է նրանց, սա ի՞նչ քաոս է. Էդմոն Մարուքյան
«Լուսավոր Հայաստան» խմբակցության ղեկավար Էդմոն Մարուքյանն այսօր Ազգային ժողովում հայտարարեց, որ թեև վարչապետը ասել է, որ ապրիլի 20-ից կարող են տեքստիլ ոլորտը վերագործարկել, նաև պարետատունն է հայտարարել, սակայն Վանաձորում «Գլորիա» ֆաբրիկայի աշխատողները երեկ գնացել են աշխատանքի, ոստիկանությունը գնացել և սկսել է այդ մարդկանց նկատմամբ վարչական իրավախախտման մասին արձանգրություն կազմել և տուգանել:
«Այսինքն՝ ունենք իրավիճակ, որ պետությունը հայտարարում է, որ ամսի 20-ից կարող են աշխատել, մարդիկ գնում են աշխատանքի և իրենց տուգանում են»,-ասաց նա և նշեց, որ նրանք այն մարդիկ են, որոնք որևէ ծրագրով սոցիալական աջակցություն չեն ստանում:
«Կարկուտը ծեծած տեղն է ծեծում, սա այդ պատմությունն է: Սա ի՞նչ քաոս է»,- ասաց պատգամավորը և նշեց, որ տեղաշարժման թերթիկն էլ անիմաստ բյուրոկրատիա է դարձել, եթե չունեն մարդիկ, նրանց հարյուր հազար տուգանում են:
«Եկեք վերանայենք այս մոտեցումները, խոսքը գնում է 2600 մարդու մասին, հիմա կա´մ չեք թողնում աշխատել՝ հասցեական աջակցեք, կա´մ թողեք գնան աշխատեն»,- ասաց նա և կոչ արեց չեղյալ համարել այն արձանգարությունները, որոնցով մարդկանց երեկ տուգանել են:
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
Ով ինչպես է սիրում Հայաստանը
Չորս հայ գերրիներ են վերադարձել Հայաստան
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
«Գոլդեն Ֆլորենս»-ի արտադրական գործունեությունը կասեցվել է
ՀՅԴ-ն որոշում ունի․ որ ուժի հետ դաշինք կկազմի
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
Ես ուրախ եմ տեսնել հայ գերիների ազատ արձակումը
Հունվարի 1-ից սոցփաթեթի շահառուների համար հանվել է պարտադիր կանխարգելիչ բուժզննություն անցնելու պահա...