Ճապոնացի պատգամավորներն իրենց աշխատավարձերը 20 տոկոսով կկրճատեն՝ ի նշան բնակչության հետ համերաշխության. Kyodo

Ճապոնիայի իշխող եւ ընդդիմադիր կուսակցությունները պայմանավորվել են երեքշաբթի 20 տոկոսով կրճատել խորհրդարանի 2 պալատների պատգամավորների աշխատավարձերը՝ ի նշան երկրի քաղաքացիների հետ համերաշխության, որոնք նոր կորոնավիրուսի տարածման պատճառով եկամուտների անկում են ապրում: Դա գործելու է մեկ տարի, հայտնում է Kyodo գործակալությունը:

Կուսակցությունների միջեւ անցկացված խորհրդակցություններից հետո համապատասխան օրինագիծը օպերատիվորեն ներկայացվելու է խորհրդարանի հաստատմանը:

Երկու պալատների պատգամավորներն ամսական ստանում են 1 մլն 294 հազար իեն (գրեթե 12 հազար դոլար): Խորհրդարանականների աշխատավարձերի կրճատման ճանապարհով ստացված միջոցներն ուղղվելու են բնակչության փոխհատուցումներին եւ վճարումներին՝ կապված ինֆեկցիայի տարածման պատճառով տարբեր սահմանափակումների հետեւանքով կրած կորուստների հետ: Ճապոնիայում համանման միջոցներ արդեն ընդունվել են, երբ 2011 թվականին երկրի գլխավոր կղզի Հոնսյուի հյուսրս-արեւելքը լրջորեն ռուժեց ցունամիի եւ «Ֆուկուսիմա-1» ԱԷԿ-ում վթարի հետեւանքով:

Տոկիոյում եւ եւս 6 պրեֆեկտուրաներում ապրիլի 8-ից գործում է արտակարգ դրության ռեժիմ: Այդ գոտում փակված են զվարճանքի շատ հաստատություններ, բարեր, մարդկանց կուտակումների այլ վայրեր: Դրանց ցուցակը կազմում են պրեֆեկտուրաների նահանգապետերը, ուստի ԱԴ ռեժիմի կատարման պայմանները տարբերվում են շրջանից կախված: Իշխանությունները բնակչությանը խնդրում են տներից դուրս չգալ առանց հատուկ անհրաժեշտության, սակայն դեռեւս չեն մտցվում անցաթղթային ռեժիմ եւ այլ սահմանափակումներ:

Ճապոնիայում հայտնաբերված կորոնավիրուսով վարակման դեպքերի ընդհանուր թիվը ներկայումս անցել է շուրջ 8,4 հազարից, ներառյալ ամերիկյան Diamond Princess զբոսանավի ուղեւորներն ու անձնակազմի անդամները, որը մեկ ամիս կարանտինի մեջ էր Յոկոհամայի նավահանգստում: Կորոնավիրուսի հետեւանքով մահացել է 158 պացիենտ:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը