Հինգ ամերիկացուց մեկը Ռուսաստանին թշնամի է համարում

Ամերիկացիների մեկ երրորդը (33%) Ռուսաստանը «ոչ բարեկամական երկիր» է համարում, 22%–ը այն ԱՄՆ թշնամի են անվանում եւ միայն 16%-ն է դիտարկում Ռուսաստանը որպես բարեկամական երկիր։ Այդ մասին վկայում են YouGov հետազոտական կազմակերպության հարցման տվյալները։

Ինչպես նշվում է, ԱՄն նախագահական ընտրությունների ժամանակ իրենց ձայնը Դոնալդ Թրամփին տված հարցվածներից 45%-ը Ռուսաստանը դիտարկում են որպես «ոչ բարեկամական», իսկ «թշնամի» են համարում 10%-ը։ Միեւնույն ժամանակ, Հիլարի Քլինթոնի կողմնակիցներից 38%-ն է Ռուսաստանը համարում «ոչ բարեկամական» երկիր, իսկ 39%-ի համար Ռուսաստանը «թշնամի» է։

Հանրապետականների շրջանում Ռուսաստանին որպես «բարեկամ» ընդունողների քանակը երկու անգամ ավել է (23%), քան դեմոկրատների դեպքում (12%):

Ավելի վաղ Լեվադա–կենտրոնի հարցումը ցույց էր տվել, որ ռուսաստանցիները ավելի լավ են սկսել վերաբերվել ԱՄՆ–ին եւ ԵՄ–ին։

Top-News.am