«Կորոնավիրուսը Երկրորդ համաշխարհային պատերազմից ի վեր վատթարագույն համաշխարհային ճգնաժամն է»․ Գուտերեշը համերաշխության և անհապաղ գործելու կոչ է արել․ BBC

Կորոնավիրուսի համավարակը Երկրորդ համաշխարհային պատերազմից ի վեր վատթարագույն գլոբալ ճգնաժամն է, հայտարարել Է ՄԱԿ-ի գլխավոր քարտուղար Անտոնիո Գուտերեշը՝ մտահոգություն հայտնելով, որ այն կարող է հակամարտություններ հրահրել ամբողջ աշխարհում, գրում է BBC-ն։

Գուտերեշը հայտարարել է, որ ճգնաժամի մասշտաբները պայմանավորված են «հիվանդությամբ, որը սպառնալիք է ներկայացնում ամբողջ աշխարհի համար»։

Նրա խոսքով՝ կորոնավիրուսը կհանգեցնի աննախադեպ տնտեսական անկման։

«Այս երկու փաստերի համադրությունը և այն ռիսկը, որ դա նպաստում է անկայունության, անկարգությունների և հակամարտությունների ուժեղացմանը, մեզ ստիպում են հավատալ, որ սա վատթարագույն ճգնաժամն է, որին մենք բախվել ենք Երկրորդ համաշխարհային պատերազմի ժամանակներից ի վեր»,- ասել է նա լրագրողներին:

Գուտերեշի խոսքով՝ ավելի արդյունավետ ու ուժեղ պատասխան հնարավոր է միայն համերաշխության շնորհիվ՝ կոչ անելով միավորվել, մոռանալ քաղաքական խաղերի մասին և գիտակցել, որ մարդկության կյանքը վտանգված է։

«Մենք դանդաղորեն շարժվում ենք ճիշտ ուղղությամբ, բայց պետք է արագացնենք մեր քայլերը և պետք է շատ ավելին անենք, եթե ցանկանում ենք հաղթել վիրուսին»,- հավելել է նա։

Առողջապահության համաշխարհային կազմակերպությունը մարտի 11-ին նոր կորանավիրուսը համավարակ էր հայտարարել: Վերջին տվյալներով՝ աշխարհում գրանցվել է վարակման 859 338 դեպք, 42 334-ը՝ մահվան ելքով, ապաքինվել է 178 125 մարդ։

Համաճարակի օջախ Չինաստանի սահմաններից դուրս վարակը տարածվել է 203 երկրում:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը