Ո՞վ է Վերմիշյանին կոչման դիմաց կաշառք տված անձը

«Հրապարակ» թերթը գրում է. «Երեկ ձերբակալվեց Քաղաքաշինության կոմիտեի նախագահ Վահագն Վերմիշյանը, ով օրեր առաջ հերքում էր մեր տեղեկությունները, թե իր հետ կապված քրեական գործ է քննվում։

Ավելի ուշ ԱԱԾ-ն հաղորդագրություն հրապարակեց, որտեղ նշված էր, որ նա «մտերիմի» միջոցով 5 դեպքով խոշոր եւ առանձնապես խոշոր չափերի կաշառք է ստացել։ Իսկ ուշ երեկոյան տեղեկացանք, որ ձերբակալվել է նաեւ Ճարտարապետության եւ շինարարության ազգային համալսարանի նախկին ռեկտոր Գագիկ Գալստյանը, ով նաեւ Շինարարների միության նախագահն է։

Ի դեպ, Գալստյանի մասին երեկ շատերը դրական կարծիք էին հայտնում եւ զարմանում էին կատարվածի առիթով։

Մենք տեղեկացանք, որ Գալստյանի մեղադրանքը կապված է «Վաստակավոր շինարար» կոչման հետ, որի դիմաց Վերմիշյանը, ըստ մեղադրանքի, նրանից 5 հազար դոլար կաշառք է վերցրել»:

Առավել մանրամասն՝ թերթի այսօրվա համարում

Այս թեմայով Վահագն Վերմիշյանի գործով մեղադրանք է առաջադրվել եւս 6 անձի. նրանցից 3-ը կալանավորվել է Վահագն Վերմիշյանը խոստովանել է, որ կաշառք է ստացել. նա ձերբակալված է Վերմիշյանին բերմա՞ն են ենթարկել (տեսանյութ)