ՀՖՖ նախագահի ընտրությունը եւ «նոր» Հայաստանի իշխանությունների իրական դեմքը
Հայաստանի ֆուտբոլի ֆեդերացիայի գործկոմի անդամների եւ նախագահի ընտրությունները մարզական աշխարհին վերաբերող իրադարձություն չէին: Ցավոք, այն քաղաքական իրադարձություն էր, որը շատ պարզ ցույց տվեց, թե ինչպիսինն են իրականում «նոր» Հայաստանի իշխանությունները:
Ֆուտբոլը, պարզվեց, նրանց չի հետաքրքրում: Նրանց հետաքրքրում է ֆուտբոլի ֆեդերացիան եւ այդ կառույցի բյուջեի տնօրինման հարցը: Եթե հետաքրքրեր ֆուտբոլը, ապա այսպիսի մեծ համառությամբ Արմեն Մելիքբեկյանին ՀՖՖ նախագահ, իսկ Արմեն Նիկողոսյանին ՀՖՖ փոխնախագահ չէին դարձնի:
Իտալիայի հավաքականից 9:1 հաշվով կրած պարտությունից հետո հրաժարական տվեցին եւ ՀՖՖ նախագահ Արթուր Վանեցյանը, եւ նրա երկու տեղակալները՝ նույն Արմեն Մելիքբեկյանը եւ Արմեն Նիկողոսյանը, որոնք, ի դեպ, տեղակալի պաշտոնում հայտնվել էին ապօրինի ճանապարհով:
Արթուր Վանեցյանը պահեց խոստումը եւ կրկին առաջադրվելու ցանկություն չհայտնեց, իսկ ահա մեկուկես տարում ՀՖՖ աշխատանքները լիովին տապալած, կասկածելի գործարքների մեջ ներքաշված Արմեն Մելիքբեկյանն ու Արմեն Նիկողոսյանն առաջադրվեցին եւ հայտնվեցին նախագահի ու փոխնախագահի պաշտոններում:
Փոխանակ պատասխան տային, բացատրություն տային ձախողումների համար, նրանք ավելի վերեւում հայտնվեցին: Միանշանակ է, որ հայկական ֆուտբոլը մեծ, շեշտակի արագությամբ հետ է շպրտվելու: Պարզից էլ պարզ է, որ պատրաստվելու են հաղորդումներ, հոդվածներ, ֆեյսբուքյան գրառումներ, որի հեղինակները «հպարտ» քաղաքացիներին պատմելու են, թե ՀՖՖ նախկին ղեկավարները այնքան վնաս են տվել, ֆուտբոլին, որ նորերը չեն կարողանում մեր ֆուտբոլի մեջքը ուղղել: Այո, ճիշտ այնպես, ինչպես անում է երկրի քաղաքական ղեկավարությունը:
Հենրիխ Մխիթարյանի մորն էլ՝ Մարինա Թաշչյանին ֆուտբոլի ֆեդերացիայի գործկոմից դուրս թողնելն էլ շատ խորհրդանշական էր եւ եւս մեկ անգամ ցույց տվեց հայաստանյան իշխանությունների, ֆուտբոլի այսօրվա ղեկավարության իրական դեմքը:
Դեռ մինչ այս ընտրությունը Հենրիխ Մխիթարյանի դեմ արշավ էր սկսվել: Անգամ Փաշինյանի օգնականը գրառում արեց, թե Մխիթարյանին չպետք է հրավիրել հավաքական: Այս իշխանություններն ատում են իրական հերոսներին: Նրանք հաջողացրին հեղինակազրկել Խորեն Հովհաննիսյանին, նրան համոզելով հանել թեկնածությունը եւ անգամ լուսանկարեցին Արմեն Մելիքբեկյանի հետ եւ այն տարածեցին: Հայաստանին հերոսներ պետք չեն՝ սա է այս իշխանությունների կարգախոսը:
Միաժամանակ մեկ այլ վատ բան արվեց: Ֆուտբոլային աշխարհը բաժանեցին մի քանի մասին, հանեցին միմյանց դեմ, անգամ ներակումբային սուր կոնֆլիկտներ ստեղծեցին: Դե այսպես հեշտ է ղեկավարել:
Որքան էլ ցավալի է արձանագրել, բայց որոշ ժամանակով մենք պետք է մոռանանք ֆուտբոլի մասին: Հայաստանում ֆուտբոլը կոմայի մեջ ընկավ: Եւ քիչ հավանական է, որ ազգային առաջնությունը կարող է հասնել եզրագծին: Շատ ավելի հավանական է, որ ամեն ինչ շատ արագ տապալվի եւ փլուզվի: Ի վերջո ֆուտբոլային տնտեսություն ղեկավարելը ֆուտբոլի մասին հոդված գրել կամ հաղորդում պատրաստել չէ:
Շատերի մոտ հարց է առաջանում, թե ինչու հենց Արմեն Մելիքբեկյանը եւ Արմեն Նիկողոսյանը: Պատասխանը շատ պարզ է. նրանց ներկայությունը գործող իշխանություններին հնարավորություն է տալիս ուղիղ ղեկավարել նաեւ ՀՖՖ-ն, իսկ վերոհիշյալները վերածվելու են, իսկ ավելի ճիշտ վաղուց արդեն վերածվել էին խամաճիկային գործիչների:
Վարդան Մխիթարյան
Top-News.am
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները