ՀՖՖ-ում չպետք է լինեն Մելիքբեկյանի և Նիկողոսյանի նման բախտախնդիրներ, նրանց պատճառով մեր ֆուտբոլում քաոս է. ՀՖՖ նախագահի պաշտոնին համապատասխանում է Թ. Գրիգորյանը. Ս. Բաղդասարյան (տեսանյութ)
Ես հիմա պայքարի եմ դուրս եկել, որ Արմեն Մելիքբեկյանի և Արմեն Նիկողոսյանի նման բախտախնդիր մարդիկ Հայաստանի ֆուտբոլի ֆեդերացիայի ղեկավար մարմնում չլինեն: Կարծում եմ՝ թեկնածուներից Թովմաս Գրիգորյանը բոլոր պարամետրերով համապատասխանում է ՀՖՖ նախագահի պաշտոնին, նա ունի կառավարման փորձ և կատարած աշխատանք: Այս մասին Tert.am-ի հետ զրույցում ասաց «Ֆուտբոլ +» շաբաթաթերթի հիմնադիր, մարզական մեկնաբան Սուրեն Բաղդասարյանը:
«Ֆեդերացիայի ղեկավար մարմնում չպետք է լինեն Արմեն Մելիքբեկյանը և Արմեն Նիկողոսյանը: Ես նրանց անցած ճանապարհը լավ գիտեմ: Գիտեմ՝ ինչ ձևով են հարթել իրենց ճանապարհը, շատ վարպետացել են այս հարցում: Հիմա մարդկանց դեմ հոդվածներ են գրում անանուն և շրջապատ են ձևավորել, որոնք կարող են սուտ տեղեկություններ տարածել՝ հասարակական կարծիք ստեղծելու համար»,- ասաց Սուրեն Բաղդասարյանը:
Նրա խոսքով՝ Արմեն Մելիքբեկյանը հասարակությանն իր կողմը գրավելու համար առաջ է քաշել այն թեզը, որ «հին ուժերը ուզում են գալ ՀՖՖ, նորից գրավել ֆեդերացիան»:
«Թովմաս Գրիգորյանին են կապում, բայց նույն այդ մարդիկ հին ուժերից են: Նույն Արմեն Մելիքբեկյանը, Արմեն Նիկողոսյանը երկար տարիներ աշխատել են ֆեդերացիայում: Նիկողոսյանը եղել է Ռուբեն Հայրապետյանի խորհրդականը ու նրա դեմ հոդվածներ է գրել, դա նաև Հայրապետյանն է խոստովանում: Այդպիսի բախտախնդիր մարդիկ ուզում են ղեկավարել ֆեդերացիան: Իրենց պատճառով այս մեկ տարվա ընթացքում մեր ֆուտբոլում քաոսային վիճակ է ստեղծվել»,- նշեց մեկնաբանը:
Սուրեն Բաղդասարյանի տեղեկացմամբ՝ վերջին մեկ տարվա ընթացքում ֆեդերացիայի կողմից մարզերում կառուցվել է 50 փոքր խաղադաշտ, որից 10-ն արդեն շարքից դուրս են եկել:
Հիշեցնենք, որ դեկտեմբերի 23-ին կկայանա ՀՖՖ արտահերթ ժողովը, որի ընթացքում կընտրվեն Գործադիր կոմիտեի անդամները, և նրանք էլ կընտրեն ՀՖՖ նախագահ: Ֆեդերացիայի նախագահի պաշտոնում առաջադրվել է 3 թեկնածու՝ Թովմաս Գրիգորյանը, Խորեն Հովհաննիսյանը և Արմեն Մելիքբեկյանը:
«Ֆուտբոլ +»-ի հիմնադիրի կարծիքով՝ ՀՖՖ նախագահի թեկնածու Արմեն Մելիքբեկյանի ներկայացրած ծրագիրը նույնպես քննադատություններին չի դիմանում: Մելիքբեկյանը, մասնավորապես, առաջարկում է ստեղծել պրոֆեսիոնալ ֆուտբոլային լիգա, ֆուտբոլիստների արհմիություն և մարզերում մանկապատանեկան ֆուտբոլը զարգացնել համայնքների միոջոցով. «Եթե համայնքները պետք է զարգացնեն, ֆեդերացիան էլ ինչ պետք է անի, իսկ պրոֆեսիոնալ լիգան հնարավոր չէ Հայաստանում ստեղծել, որովհետև ակումբները միասնական չեն»:
Սուրեն Բաղդասարյան ևս պնդում է, որ ՀՖՖ տեխնիկական տնօրեն Խինես Մելենդեսը և մյուս իսպանացի մասնագետները 2 մլն եվրո աշխատավարձ են ստանում. «Ֆեդերացիայի փողերը մեր ֆուտբոլային հանրության փողերն են, Մելիքբեկյանի և Նիկողոսյանի փողերը չեն, դա հրապարակային պետք է լինի: Առավել ևս եթե դու առյուծի բաժինը տալիս ես իսպանացի մասնագետներին»:
Նա նաև խնդիրներ է տեսնում ՀՖՖ նոր գործկոմի և նախագահի ընտրական պրոցեսում. «Ինչպես կարելի է ժողովի նախապատրաստությունը դնել մի թեկնածուի վրա, որը որոշելու է մյուսների բախտը»:
Սուրեն Բաղդասարյանը նաև նշում է, որ ՀՖՖ նախագահի թեկնածուներից Խորեն Հովհաննիսյանը թեև լավ ֆուտբոլիստ է, լեգենդ է, բայց նա չի կարող ղեկավարել ֆուտբոլի ֆեդերացիայի պես բարդ կառույցը:
«Ֆեդերացիայի նախագահը պետք է կառավարման փորձ ունենա, տնտեսական հարցերից հասկանա: Այդ առումով Թովմաս Գրիգորյանն այդ ճանապարհն արդեն անցել է: Թեկնածուներից ամենահարմարն ինքն է, որովհետև շատ պարամետրերի բավարարում է: Նա շուրջ 20 տարի ֆեդերացիայում է եղել, գործկոմի անդամ է եղել, գործարար է, հիմնադրել է ֆուտզալի «Թալ Գրիգ» թիմը, «Լոռի» ակումբը: Այսինքն՝ նա աշխատանքներ է կատարել»,- ասաց նա:
Մանրամասները՝ տեսանյութում:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները