Ադրբեջանցի գործարարի կինը գուշակին հսկայական գումար է վճարել՝ ամուսնուն վերադարձնելու համար

Բաքվի ծանր հանցագործությունների հարցերով դատարանում ընթանում է գործարար Բարաթ Աբդուլաեւի կնոջ՝ Թայմինա Աբդուլաեւայի գործով դատավարությունը: Նա մեղադրվում է ոստիկաններին դիմադրություն ցույց տալու, կեղծ փաստաթղթեր պատրաստելու եւ խարդախությունների մեջ:

Haqqin.az-ի փոխանցմամբ՝ Թայմինա Աբդուալեւան հայտարարել է, որ իրեն մեղավոր չի ճանաչում: Կինն ասել է, որ վերջին շրջանում ամուսինը լքել է ընտանիքը եւ գնացել ուրիշ կնոջ մոտ: Թայմինա Աբդուալեւան որոշել է, որ ամուսնուն թուղթ ու գիր են արել եւ անհրաժեշտ է նրան ազատել դրանից:

Կինը դիմել է գուշակուհի՝ ոմն Սակինային, ով համաձայնել է հանել թուղթ ու գիրը 20 հազար մանաթով (մոտ 11.7 հազար դոլար): Երբ պարզվել է, որ գուշակուհու գործողություններն օգուտ չեն տալիս, Թայմինան պահանջել է վերադարձնել գումարը:

Սակինան համաձայնել է վերադարձնել գումարը, միայն պայմանով, որ Թայմինան նրան օգնի, քանի որ գուշակուհին նաեւ Վրաստանից էլեկտրոդների ներկրմամբ է զբաղվում: Թայմինա Աբդուլաեւան մեղադրվում է նաեւ ամուսնու բնակարանը յուրացնելու մեջ:

Գործարար Բարաթ Աբդուալեւը, որը հյուրանոցային եւ առեւտրի օբյեկտների բիզնեսով է զբաղվում, արդեն ամուսնալուծության հայց է ներկայացրել:

 NEWS.am