Հայտնի է Եվրոպայի ամենաբարձր աշխատավարձեր վճարող պետությունը

Շվեյցարիան շարունակում է մնալ լավագույն աշխատավարձերը վճարող երկիրը Եվրոպայում: Աշխատավարձը երկրում մոտ 50%-ով ավելի բարձր է, քան հարևան մյուս եվրոպական երկրներում: Willis Tower Watson խորհրդատվական ընկերության ուսումնասիրության ժամանակ պարզվել է, որ Շվեյցարիայի քաղաքացիների աշխատավարձը գերազանցում է Եվրոպայում 15 խոշոր տնտեսություն ունեցող երկրներում իրենց գործընկերների աշխատավարձերին՝ անկախ նրանից, թե աշխատողը դեռևս իր կարիերայի սանդուղքի սկզբին է կանգնած, թե արդեն որևէ լուրջ պաշտոն է զբաղեցնում:

Ըստ համապատասխան զեկույցի, որը կազմել է մոտ 60 երկրներում շուրջ 50 կատեգորիաների աշխատանքների դիմաց վճարվող աշխատավարձերի վարկանիշային ցուցակը, Շվեյցարիայում բավականաչափ փորձ ունեցող աշխատողների միջին աշխատավարձը 151,346 եվրո է կազմում մեկ տարվա ընթացքում: Երկրորդ տեղում գտնվում է Լյուքսեմբուրգը՝ 101, 764 եվրոյով:

Ինչ վերաբերում է իրենց գործի մեջ սկսնակներին, ապա այստեղ Շվեյցարիայի ցուցանիշը 82,582 եվրո է, իսկ երկրորդ տեղում է Դանիան, որը տարեկան միջինում 54,940 եվրո է վճարում «նորեկներին»:

tert.am