Բավական է ժողովրդին կերակրել ձերբակալությունների լուրերով, ժողովուրդը սպասում է տնտեսական հեղափոխության. Գևորգ Պետրոսյան (տեսանյութ)
Սահմանադրական դատարանի կողմից ՍԴ նախագահ Հրայր Թովմասյանի լիազորությունները դադարեցնելու հարցով Ազգային ժողովի դիմումը վարույթ չընդունելը սպասելի էր, մենք հիմքերն ուսումնասիրել էինք ու պնդում էինք, որ դրանք իրավաբանորեն խոցելի են: «Արմնյուզ» ՀԸ «#ՕրաԽնդիր» հաղորդմանը նման կարծիք է հայտնել ԱԺ «Բարգավաճ Հայաստան» խմբակցության անդամ Գևորգ Պետրոսյանը:
Ըստ նրա՝ եթե իշխանությունն ուզում է մի լավ բան անել դատարանների անկախության ապահովման հարցում, ճիշտ կանի՝ համակերպվի այդ որոշման հետ. «Սահմանադրական դատարանը երշիկի արտադրամաս չէ, որ երբ ուզեն՝ լուծարեն: Դրա համար պետք է Սահմանադրության մեջ փոփոխություններ անել»:
Ըստ Պետրոսյանի՝ եթե անգամ Սահմանադրական դատարանում ճգնաժամ կա, դա վերաբերում է դատավորներից Վահե Գրիգորյանի անգործությանը, և ՍԴ-ն կարող է քննել նրան պաշտոնանկ անելու հարցը. «Մեր պետական բյուջեն ինչո՞ւ է նման դատավորի կերակրում, և ինչո՞ւ Պետական վերահսկողական ծառայությունը կամ Հաշվեքննիչ պալատը չեն անդրադառնում այս թեմային»:
Պատգամավորի կարծիքով՝ որևէ կուսակցություն իրավունք չունի գնահատական տալ իրավական գործընթացին, քանի դեռ այն չի ավարտվել: Ռոբերտ Քոչարյանի դատավարության հարցի շուրջ, օրինակ, ԲՀԿ խմբակցության անդամներից Վարդան Ղուկասյանն արտահայտել է իր դիրքորոշումը՝ պնդելով, թե երկրորդ նախագահը պետք է լինի ազատության մեջ, բայց դա նրա մասնավոր կարծիքն է և, ըստ Պետրոսյանի, չի արտացոլում խմբակցության տեսակետը. «Աղմկահարույց դատավարությունների հետաձգումը կասկած է առաջացնում, որ իշխանությունը քաղաքական մոտեցում ունի: Դատավարական գործընթացների ավարտից հետո կգնահատենք՝ որքանով է անձին առաջադրված մեղադրանքը հիմնավոր: Հիմա մեր բանուգործը թողնենք, ընթացող դատավարություններին քաղաքական գնահատակա՞ն տանք»:
Գևորգ Պետրոսյանի պնդմամբ՝ դատական համակարգում արգելված է վիրահատական միջամտությունը, և եթե 250 դատավորներից ազատվենք, ովքե՞ր են իրականացնելու արդարադատություն. «Բավական է ժողովրդին կերակրել ձերբակալությունների լուրերով, մի օր՝ Գագիկ Խաչատրյան, հաջորդը օրը՝ Արա Վարդանյան: Ժողովուրդը սպասում է տնտեսական հեղափոխության, բայց դա պետական մակարդակով խաբկանք է դարձել: Այսօր մեր ամբողջ առօրյան, կենցաղը, կյանքը լցված է ձերբակալություններով, դարձել ենք մարտաֆիլմի մասնակիցներ: Ժողովուրդն ի՞նչ է շահել այս դատավարություններից, մարդկանց ընդամենը կերակրում են այդ տեսարաններով»:
Պատգամավորի կարծիքով՝ եթե հեղափոխության արդյունքում մարդկանց կյանքի որակը չի բարելավվել, ուրեմն դա եղել է ընդամենը անձանց փոփոխում:
«Տնտեսական հեղափոխություն ժողովրդի համար չի եղել, առանձին մարդկանց համար է եղել»,- ամփոփել է Պետրոսյանը:
Հունվարի 27-ը սահմանվել է որպես Հայրենիքի պաշտպանության համար զոհվածների հիշատակի օր
Ո՞ւմ է ուզում ԱԺ նախագահ դարձնել Փաշինյանը
Ինչու են նոր մոդելները թանկանում, իսկ միլենիալները վազում վինտաժի հետևից
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Արամ Ա Վեհափառը քննարկել է Լիբանանում ստեղծված իրավիճակն ու հայ համայնքի դրությունը
Տարիներ անց սովորական գործընթաց է լինելու, երբ Հայաստանից կամ Ադրբեջանից մեր քաղաքացիները կարողանալո...
Գագիկ Սարգսյանը հրաժարական է ներկայացրել Հայաստանի դահուկավազքի և սնոուբորդի ֆեդերացիայի նախագահի պա...
Լավրովը Մակրոնին հիշեցրել է Նապոլեոնին ու Հիտլերին՝ խոսելով Ռուսաստանի պատմության մասին
ՀՀ արտաքին հետախուզության ծառայությունը հրապարակել է Հայաստանի արտաքին ռիսկերի վերաբերյալ 2026թ. զեկ...
Ամբողջ գիշեր ճանապարհներին իրականացվել են ձնամաքրման աշխատանքներ (տեսանյութ)