Վրաստանում ավելի քան15 հազար երեխաներ վտանգավոր աշխատանք են կատարում. Օմբուդսեն

Վրաստանում մոտ 15 հազար 600 երեխաներ վտանգավոր աշխատանք են կատարում: Այս մասին հայտարարել է Հանրային պաշտպանի տեղակալ Եկատերինա Սխիլաձեն` «Կանանց, երեխաների եւ առողջության սահմանափակ հնարավորություններով անձանց աշխատանքը. Խնդիրներ ու մարտահրավերներ» թեմայով հանրային բանավեճի ժամանակ, հաղորդում է «Նովոստի Գրուզիա»-ն:

Սխիլաձեն ներկայացրել է այդ ոլորտում հետազոտության արդյունքները: Օմբուդսմենի աշխատակազմում կարծում ն, որ աղքատության եւ անպատշաճ կենսամակարդակի հետեւանքով երեխաները ստիպված իրենց տարիքին եւ հոգեբանաֆիզիկական զարգացմանը չհամապատասխանող աշխատանք են ստիպված լինում կատարել: Աշխատանքի պատճառվ երեխաները հաճախ լքում են դպրոցը:

«Վրաստանում 5-17 տարեկան 571 հազար երեխաներ են ապրում, նրանցից 24,4 հազարն աշխատում է, իսկ մոտ 63,9 տոկոսը, այսինքն` 15 հազար 600 երեխաների վտանգավոր աշխատանք են կատարում», — նշել է Սխիլաձեն:

Սխիլաձեն խոսել է նաեւ կանանց նկատմամբ աշխատանքային խտրականության մասին` նշելով, որ դեպքեր կան, երբ գործատուները տարիքի ու արտաքինի հետ կապված չափանիշներ են առաջ քաշում:

Վրաստանում ավելի քան 124,5 հազար սահմանափակ հնարավորություններով անձինք կան, ովքեր կառավարությունից սոցիալական նպաստ են ստանում:

NEWS.am