Որոշ հարցերում իշխանամետ-ընդդիմադիր չկա

«Առավոտ» թերթը գրում է.

«Ի հեճուկս չարագուշակ կանխատեսումների՝ ԵԱՏՄ բարձրագույն տնտեսական խորհրդի նիս­տը երեկ կայացավ Երևանում, և Ռուսաստանի նախագահ Վլադիմիր Պուտինը մասնակցեց այդ նիստին: Նրանք, ովքեր 2-3 շաբաթ առաջ հա­կառակն էին պնդում և, ըստ ամենայնի, ուրա­խանում էին այդ հեռանկարից, իհարկե, չեն ասի՝ ներեցեք, սխալվել ենք:

Բայց ինձ թվում է՝ այն հարցերում, որոնք առնչվում են Հայաստանի պե­տական շահերին [և հետևաբար՝ նաև անվ­տանգությանը], «իշխանամետ» կամ «ընդդիմա­դիր» կեցվածքն այնքան էլ իմաստալից չէ. եթե մարդն ապրում է Հայաստանում և մտադիր է իր երկրում ապրել մինչև կյանքի վերջ, ապա հարափոփոխ կառավարությունների հանդեպ համակրանք-հակակրանքը չի կարող ավելի կարև­որ լինել այն հարցից, թե որքանով են մեր պե­տության միջազգային դիրքերն ամուր, ինչ հեղի­նակություն ունի Հայաստանն այս տարածաշր­ջանում:

Եթե հարցին նայենք այս տեսանկյունից, ապա ԵԱՏՄ գագաթաժողովը Երևանում, ինչպես նա­և Պուտինի և Ռոհանիի միաժամանակյա ներ­կայությունը մեզ համար դրական փաստեր են: ԵԱՏՄ-ն ինձ համար զուտ քաղաքական կառույց է [ԱՊՀ-ի նման], դրանից տնտեսական վնաս­ներն ավելի շատ են, քան օգուտները: Եթե տարբերակ կար այդ կառույցից խուսափելու՝ դա պետք է արվեր: Բայց հասկանալի [դարձյալ քաղաքական] պատճառներով մենք հիմա չենք կարող այդ կառույցի «դուռը շրխկացնել»՝ դա արկածախնդրություն կլիներ: Հետևաբար, պետք է շարունակել մասնակցել այդ գործընթացին՝ հնարավորինս ներգրավելով այլ երկրների, հատ­կապես՝ Իրանին»,-գրում է թերթը:

Նյութն ամբողջությամբ կարդացեք թերթի այսօրվա համարում: