Ավտոմեքենաների հաշվառման գործընթացում հերթերը կնվազեն. Կառավարությունը նոր որոշում կայացրեց
Հայաստանի կառավարությունն այսօր՝ սեպտեմբերի 26-ի իր նիստում որոշում կայացրեց փոփոխություն կատարել իր որոշումներից մեկում, որով առաջարկվում է փոփոխություններ կատարել տրանսպորտային միջոցների պետական հաշվառման ընթացակարգերում, ինչպես նաեւ պետական գրանցման համար ներկայացվող փաստաթղթերի ցանկում:
Հարցը ներկայացրեց ոստիկանապետի պաշտոնակատար Արման Սարգսյանը, ով նշեց, որ փոփոխությունների նպատակն է ընթացակարգերը համապատասխանեցնել գործող օրենքներին, ինչպես նաեւ լուծել հաշվառման գործընթացում հերթերի հարցը:
«Մասնավորապես, վերացվում է արդեն ՀՀ-ում հաշվառված մեքենաների հետ հաշվառման գործողություններ կատարելիս անպայման ավտոմեքենան հաշվառման ստորաբաժանում ներկայացնելու պահանջը»,-ասաց Արման Սարգսյանը՝ հավելելով, որ այս նախագծի ընդունմամբ հերթերն էապես կնվազեն, քանի որ անձը կարող է ներկայացնել միայն փաստաթղթերը:
«Հաջորդ կետով այլեւս գրանցման պահանջ չի ներկայացվի տրանսպորտային միջոցների առեւտրային գործունեություն իրականացնող տնտեսվարող սուբյեկտների կողմից առեւտրային նպատակներով ձեռք բերված, ներմուծված տրնսպորտային միջոցների համար:
Սա վերաբերում է այն դեպքերին, երբ քաղաքացիները առեւտրային գործունեություն իրականացնելու նպատակով ՀՀ են ներկրում տրանսպորտային միջոցներ եւ 10-օրյա ժամկետում չեն հասցնում այն վաճառել եւ նրանց վրա ծագում է որոշակի պարտավորություն: Հիմա Հիմա երբ վաճառի մեքենան, այդ ժամանակ գնորդի վրա կլինի գույքահարկը մուծելու պարտականություն:
Բացի այդ նախագծից հանվում է տրանսպորտային միջոցի հաշվառման գործողություն իրականացնելու համար ԱՊՊԱ պայմանագիր կնքված լինելու պահանջը:
Հաջորդը, տրանսպորտային միջոցի հաշվառման ազգային նկարագրում նշվելու է նաեւ շարժիչի տեսակը՝ դիզել, էլեկտրամոբիլ, գազ, բենզին:
Հունվարի 27-ը սահմանվել է որպես Հայրենիքի պաշտպանության համար զոհվածների հիշատակի օր
Ո՞ւմ է ուզում ԱԺ նախագահ դարձնել Փաշինյանը
Ինչու են նոր մոդելները թանկանում, իսկ միլենիալները վազում վինտաժի հետևից
Հռիփսիմե Հունանյանը հրաժարական է ներկայացրել ԱԺ Առողջապահության հարցերի հանձնաժողովի նախագահի պաշտոն...
Արամ Ա Վեհափառը քննարկել է Լիբանանում ստեղծված իրավիճակն ու հայ համայնքի դրությունը
Գագիկ Սարգսյանը հրաժարական է ներկայացրել Հայաստանի դահուկավազքի և սնոուբորդի ֆեդերացիայի նախագահի պա...
Տարիներ անց սովորական գործընթաց է լինելու, երբ Հայաստանից կամ Ադրբեջանից մեր քաղաքացիները կարողանալո...
ՀՀ արտաքին հետախուզության ծառայությունը հրապարակել է Հայաստանի արտաքին ռիսկերի վերաբերյալ 2026թ. զեկ...
Մեծ Բրիտանիան ուսումնասիրում է երեխաների կողմից սոցցանցերի օգտագործումն արգելելու հարցը
Լավրովը Մակրոնին հիշեցրել է Նապոլեոնին ու Հիտլերին՝ խոսելով Ռուսաստանի պատմության մասին