Մանվել Գրիգորյանին խոշտանգելու հիմնական պատճառը
Անկախ նրանից, թե ինչպես ենք վերաբերում Մանվել Գրիգորյանին, անկախ նրանից, թե ինչպես ենք գնահատում նրա անցած ճանապարհը, անկախ նրանից, որ դեռ նրա ձերբակալման ժամանակ ցուցադրված հուզիչ կադրերի ազդեցության տակ ենք, թե ոչ, բայց փաստը մնում է փաստ, որ հիմա Մանվել Գրիգորյանի նկատմամբ անմարդկային վերաբերմունք է ցուցաբերվում իշխանությունների կողմից:
Այն, որ կալանքը զարգացման ցածր աստիճանի վրա գտնվող մեր հասարակության մի ստվար զանգվածը պատիժ է համարում, այն, որ շատերն իրենց դատավոր են համարում, դա դեռ թույլ չի տալիս իշխանություններին լինել նույն մակարդակի եւ նույն դաժանության վրա:
Շատերի մոտ հարց է առաջանում, թե ինչո՞ւ են իշխանություններն այսքան դաժան վարվում ծանր հիվանդ մարդու նկատմամբ: Ի վերջո, նույնիսկ թշնամու վիրավոր զինվորը գերի ընկնելուց հետո արժանանում է պատշաճ խնամքի, բուժվում է, ստանում ապաքինման համար անհրաժեշտ բոլոր պայմանները:
Ինչո՞ւ Նիկոլ Փաշինյանը թույլ չի տալիս, որ Մանվել Գրիգորյանը բուժվի, ապաքինվի: Այս հարցը հետաքրքրում է շատերին: Վարկածները շատ են, որոնցից մեկն էլ այն է, որ այդպես էլ Նիկոլ Փաշինյանը նրան չներեց 2008-ին ցուցարարներին չմիանալու համար:
Ըստ մամուլի հրապարակումների, Մանվել Գրիգորյանի մտերիմների շրջանում շրջանառվող լուրերի համաձայն՝ իշխանությունները չեն ցանկանում Մանվել Գրիգորյանին բուժման հնարավորություն տալ, քանի որ նա վտանգավոր վկա է նոր իշխանությունների համար։
Ըստ նրա մտերիմների՝ իշխանություններին անհանգստացնում է, թե ի՞նչ կարող է խոսել Մանվել Գրիգորյանը «Մարտի 1-ի» գործով։
Հիշեցնենք, որ նա գործող երկու գեներալներից մեկն էր, որի հետ հանդիպել էր ընդդիմության առաջնորդ Լեւոն Տեր-Պետրոսյանը, հորդորելով անցնել ցուցարարների կողմը։
Ըստ շրջանառվող լուրերի, որոնք հրապարակվել են նաեւ մամուլում, 2008 թվականին Լեւոն Տեր-Պետրոսյանի եւ Մանվել Գրիգորյանի միջեւ կապն ապահովել է այսօր կիկին ակտիվացած գագիկ Ջհանգիրյանը, ինչպես նաեւ մեկ այլ հայտնի մարդ, որի անունը չի հրապարակվում:
Բացառված չէ, որ եթե Մանվել Գրիգորյանի առողջությունը թույլ տա, ապա նա կարող է պատմել շատ մանրամասներ, որոնք բոլորովին էլ ձեռնտու չեն այսօրվա իշխանություններին: Կարող է պատմել, բայց չի պատմի, եթե գնալով առողջությունը վատթարանա:
Ի դեպ, ՀՔԾ-ում Գրիգորյանին Մարտի մեկի գործով հարցաքննելու առանձնապես մղում եւ փափագ չունեն ոչ նախկինում, ոչ էլ հիմա, երբ նրա առողջական վիճակն ավելի է վատթարացել:
Վահրամ Գեւորգյան
Top-News.am
Ո՞ւմ է ուզում ԱԺ նախագահ դարձնել Փաշինյանը
Ինչու են նոր մոդելները թանկանում, իսկ միլենիալները վազում վինտաժի հետևից
Հռիփսիմե Հունանյանը հրաժարական է ներկայացրել ԱԺ Առողջապահության հարցերի հանձնաժողովի նախագահի պաշտոն...
Արամ Ա Վեհափառը քննարկել է Լիբանանում ստեղծված իրավիճակն ու հայ համայնքի դրությունը
Տարիներ անց սովորական գործընթաց է լինելու, երբ Հայաստանից կամ Ադրբեջանից մեր քաղաքացիները կարողանալո...
Գագիկ Սարգսյանը հրաժարական է ներկայացրել Հայաստանի դահուկավազքի և սնոուբորդի ֆեդերացիայի նախագահի պա...
Մեծ Բրիտանիան ուսումնասիրում է երեխաների կողմից սոցցանցերի օգտագործումն արգելելու հարցը
Լավրովը Մակրոնին հիշեցրել է Նապոլեոնին ու Հիտլերին՝ խոսելով Ռուսաստանի պատմության մասին
Քաղաքական հայացքներ հայտնելու համար ձերբակալելը լուրջ մտահոգություններ է առաջացրել. Լավրովը՝ Գյումրո...
Դպրոցահասակ տղա է մահացել․ ինչպես է տեղի ունեցել դեպքը՝ պարզաբանում են դպրոցից