«Նոր» Հայաստանի անմարդկային եւ զարհուրելի դեմքը
Երեկ Երեւանի ընդհանուր իրավասության դատարանի դատավոր Մնացական Մարտիրոսյանը որոշում կայացրեց մերժել ԵԿՄ վարչության նախկին նախագահ, գեներալ Մանվել Գրիգորյանին գրավի դիմաց ազատ արձակելու նրա պաշտպանների միջնորդությունը՝ անհիմն լինելու պատճառաբանությամբ։
Մանվել Գրիգորյանը, ցավոք, ծանր հիվանդ է: Նրան հետազոտել եւ նրա առողջական վիճակի վերաբերյալ եզրակացություն է տվել միջգերատեսչական հանձնաժողովի անդամ, Ֆրանսիայից ժամանած հայտնի ուռուցքաբան Նորբերտ Ավետյանը։ Վերջինս արձանագրել է, որ այն տարածքը, որտեղ գտնվում է հիվանդը, խանգարում է նրան քայլել, ինչը ազդում է նրա մկանային աշխատանքի վրա, եւ նրա մոտ առկա հիվանդնությունները կարող են խորանալ եւ հանգեցնել անկանխատեսելի հետեւանքների, այդ թվում մահվան։
Պարզ ասած՝ իշխանությունները Մանվել Գրիգորյանի նկատմամբ դրսեւորում են անմարդկային վերաբերմունք: Ի՞նչպես պետք է խոչընդոտի Գրիգորյանը դատքննությանը, եթե գտնվի ազատության մեջ եւ բուժում ստանա: Այս հարցին նրան կալանքի տակ պահողները չեն պատասխանում:
Մենք տեսնում ենք «նոր» Հայաստանի իրական դեմքը: Ծանր, մահվան դռանը հասած մարդուն պահել կալանքի տակ, մարդուն հասցնել ինքնասպանության՝ իրենց անհեթեթ հարցաքննություններով, ՀՀ երկրորդ նախագահի պահել կալանքի տակ՝ առանց որեւէ տրամաբանական հիմնավորման:
«Նոր» Հայաստանում պաշտոնյաները եւ նրանց սպասարկու արբանյակները բարոյականության հետ որեւէ խնդիր չունեն, եւ շատ հանգիստ, առանց խղճի զգացողության, առանց օրենքի առաջ իրենց հաշիվ տալու ինքնասպանության համար մեղադրում են կոնկրետ անձանց:
Իրավիճակն արդեն այնպիսին է, որ Մանվել Գրիգորյանի կալանավորման կողքով չի կարող անտարբեր անցնել գործող պաշտպանության նախարար Դավիթ Տոնոյանը: Անդրադառնալով Մանվել Գրիգորյանի խափանման միջոց կալանքն անփոփոխ թողնելու դատարանի որոշմանը, նախարարն ասել է, թե մտահոգություն ունի իր զինակցի այդ վիճակի հետ կապված: «Գեներալ Մանվել Գրիգորյանի այսօրվա կարգավիճակը շատ մտահոգիչ է անձամբ իմ համար եւ բոլոր երկրապահների համար»,- ասել է նա:
Կարճ, բայց շատ բան ասող հայտարարություն, որից ցանկացած ՀՀ քաղաքացի, որը ունի առողջ բանականություն, կարող է հասկանալ, թե ինչ է կատարվում այս երկրում:
«Նոր» Հայաստանի դեմքն անմարդկային է եւ զարհուրելի: «Նոր» Հայաստանում ոչ միայն մահամերձ մարդուն պահում են կալանքի տակ, ոչ միայն երկրորդ նախագահին են պահում կալանքի տակ, ոչ միայն մարդուն հասցնում են ինքնասպանության կամ զինվորականին ծեծելով հասցնում մահվան դուռը, այլ գործող պաշտոնյաները հեռեւստաալիքով ուղղակի բռնության կոչ անում պաշտոնաթող եղած ԱԱԾ պետի նկատմամբ:
Իրավիճակն արդեն ոչ թե մտահոգիչ է, այլ կոնկրետ սպառնալիքներով լեցուն: Այսպես մեր երկիրը չի կարող երկար ձգել: Չի կարող նորմալ իրավիճակ լինել, չի կարող զարգանալ պետությունը, եթե
ա. Ծանր հիվանդ գեներալին պահում են կալանքի տակ
բ. Եթե ՀՀ երկրորդ նախագահին պահում են կալանքի տակ
գ. Եթե աղքատ երկրում վարչապետը 400 հազար դոլարանոց ուղեւրություն է կատարում
դ. Եթե մարզպետի մասնակցությամբ զինվորական են դաժան ծեծի ենթարկում, իսկ վարչապետը չի դատապարտում արարքը
ե. Եթե այնպիսի մթնոլորտ են ստեղծում, որ նախկին ՆԳ նախարարն ինքնասպանություն է գործում, իսկ պաշտոնյաներն ու նրանց սպասարկուները փորձում են դրա համար մեղադրել կալանքի տակ գտնվող մարդուն
զ. եթե պատրաստվում են վերացնել բանկային գաղտնիքը
է. եթե ակնհայտ եւ համակարգված հարձակման են ենթարկվում զինվորականները, հերոս զինվորականները եւ եկեղեցականները:
Վարդան Մխիթարյան
Top-News.am
Ո՞ւմ է ուզում ԱԺ նախագահ դարձնել Փաշինյանը
Ինչու են նոր մոդելները թանկանում, իսկ միլենիալները վազում վինտաժի հետևից
Հռիփսիմե Հունանյանը հրաժարական է ներկայացրել ԱԺ Առողջապահության հարցերի հանձնաժողովի նախագահի պաշտոն...
Արամ Ա Վեհափառը քննարկել է Լիբանանում ստեղծված իրավիճակն ու հայ համայնքի դրությունը
Տարիներ անց սովորական գործընթաց է լինելու, երբ Հայաստանից կամ Ադրբեջանից մեր քաղաքացիները կարողանալո...
Գագիկ Սարգսյանը հրաժարական է ներկայացրել Հայաստանի դահուկավազքի և սնոուբորդի ֆեդերացիայի նախագահի պա...
Մեծ Բրիտանիան ուսումնասիրում է երեխաների կողմից սոցցանցերի օգտագործումն արգելելու հարցը
Լավրովը Մակրոնին հիշեցրել է Նապոլեոնին ու Հիտլերին՝ խոսելով Ռուսաստանի պատմության մասին
Քաղաքական հայացքներ հայտնելու համար ձերբակալելը լուրջ մտահոգություններ է առաջացրել. Լավրովը՝ Գյումրո...
Դպրոցահասակ տղա է մահացել․ ինչպես է տեղի ունեցել դեպքը՝ պարզաբանում են դպրոցից