Ռոբերտ Քոչարյանին կալանավորող դատավորը սրբադասվում է ու պաշտոն ստանում (տեսանյութ)

Փաստաբան Լուսինե Սահակյանը «Հայելու առաջ» հաղորդման ժամանակ ասել է. «Ըստ էության մենք փոփոխությունները միայն մեկ գործի շրջանակներում ենք տեսնում՝ Ռոբերտ Քոչարյանին ազատ է արձակում դատավորը՝ ուրեմն ինքը հանցագործ է, ուրեմն ինքը անօրինական որոշում է կայացրել, ուրեմն ինքը դատավոր կոչվելու իրավունք չունի: Կալանավորեց Քոչարյանին, անկախ նրանից որ ինքը այն դատավորն է, որ երբեւէ արդար դատական ակտ չի կայացրել, չգիտի արդար դատական ակտ կայացնելը ինչ է, բայց ինքը արդեն սրբադասվում է ու համարվում է, որ ինքը լավագույն դատավոր է եւ պաշտոն է ստանում:

Օրինակ Արթուր Մկրտչյանը, որ ինքը նույնիսկ էդ աթոռին չէր համապատասխանում, դարձավ Երեւան քաղաքի դատարանի նախագահ, նույնը Արմեն Դանիելյանը, որը փաստաբանների շրջանում ամենացածր ռեյտինգն ունի: Այն բոլոր դատավորները որոնք նույն այդ գործով կայացրել են դատական ակտեր եւ ազատ են արձակել Ռոբերտ Քոչարյանին, նրանք ունեն շատ բարձր վարկանիշ ու միշտ են ունեցել բարձր վարկանիշ, իսկ նրանք ովքեր կալանավորել են` ամենացածր վարկանիշն ունեն:

Բայց տեսնում ենք, որ ընդհանուր ֆոնում լավ դատավոր համարվում են հենց նրանք ովքեր իրենց կյանքում օրինական դատական ակտ կայացրած չկան»: