Շոուներից հոգնել ենք
Ռոբերտ Քոչարյանի դիմումի հետ կապված Սահմանադրական դատարանի որոշումը հերթական անգամ էմոցիաների ալիք է բարձրացրել՝ ոմանք ցնծում են, մյուսները ողբերգություն են ապրում։ Թեեւ ո՛չ ցնծալու, ո՛չ էլ տառապելու առիթ կարծես չկա։ Մանավանդ որ դեռեւս ոչ մեկին հասկանալի չէ, թե այս որոշման արդյունքում հանրապետության գլխավոր կալանավորն ազա՞տ է արձակվելու, թե՞ ոչ։
Առհասարակ՝ դժվար է հասկանալ այս էմոցիաների պատճառը, քանզի ակնհայտ է, որ ո՛չ Քոչարյանի նստելուց է հասարակությունն ինչ-որ բան շահում, ո՛չ ազատ արձակվելուց է տուժում, եւ այս հիստերիան՝ մեկ մարդու նստել-չնստելու հետ կապված, առնվազն ծիծաղելի է, եթե չասենք՝ հանրային օրակարգի սնանկության, չապրող-չստեղծող հասարակության մասին է վկայում։ Եվ եթե հանրային այս պարապ խոսակցություններին եւ մեր երկրին ոչինչ չտվող այս «բանավեճին» ավելանա նաեւ իշխանությունների, մասնավորապես՝ Նիկոլ Փաշինյանի սուր արձագանքը, ապա հենց դա կարող ենք համարել իսկական հանրային ողբերգություն։
Ողբերգություն, որ մեզնից յուրաքանչյուրն իրեն դատավոր ու իրավաբան է զգում եւ պատրաստ է դատավճիռ արձակել ու մարդկանց ճակատագրեր տնօրինել։ Ողբերգություն, որ այնքան պարապ ենք, որ զբաղված ենք մեկ մարդու եւ մեկ գործի շուրջ զրույցներով, այլ ոչ թե աշխատելով ու արդյունք ստեղծելով։ Ողբերգություն, որ մեր կառավարությունն այսքան հոգս ու անելիքի մեջ զբաղված է դատավորներին պատերին ծեփելով, իրավապահների աշխատանքին միջամտելով եւ իր անելիքը տեսնում է միայն մարդ բռնել-ազատելու, քրեական գործեր հարուցել-կարճելու, իրեն չվերաբերող գործառույթներ իրականացնելու, վիճելի հայտարարություններով իրավիճակն ապակայունացնելու մեջ։ Եվ չկա մեկը, որ ասի՝ հարգելի կառավարություն, գործ արեք, շոուներից հոգնել ենք։
Արմինե Օհանյան
Hraparak.am
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է