Տղամարդը գտած արջուկին տարել է Վրաստանի խորհրդարան

Վրաստանի բնակիչը Թբիլիսիի ճանապարհին մեկուկես ամսական արջուկ է գտել։ Սկզբում տղամարդը դիմել է քաղաքի կենդանաբանական այգի, սակայն այնտեղ կենդանուն չեն ընդունել։ «Դրանից հետո նա ուղեւորվել է խորհրդարան, որտեղ մի որոշ ժամանակ մնացել է եւ այնուհետեւ արջուկի հետ հեռացել»– հաղորդում է «Sputnik Վրաստանը», սակայն չի մանրամասնում, թե ինչու է տղամարդը գնացել օրենսդիրների մոտ։

Թբիլիսիի կենդանաբանական այգու տնօրեն Զուրաբ Գուրիելիձեն պարզաբանել է, թե ինչու են հրաժարվել ընդունել ծուռթաթին. համաձայն օրենքի՝ կենդանիներին ընդունել կարելի է միայն այն դեպքում, եթե դա համաձայնեցված է Շրջակա միջավայրի եւ բնական պաշարների նախարարության հետ։

«Sputnik»-ի հաղորդագրության մեջ չի նշվում արջուկին գտնող տղամարդու անունը։ Սակայն այնտեղ բերվում է արջուկի նկարը, որը օգտատերերից մեկը տեղադրել էր ֆեյսբուկյան իր էջում։

Top-News.am