Ժոզե Մոուրինյու. «Չեմ կարող Մխիթարյանին պահեստային նստարանին թողնել»

«Մանչեսթեր Յունայթեդ» ֆուտբոլային ակումբի գլխավոր մարզիչ Ժոզե Մոուրինյուն կարծիք է հայտնել հարձակվող Անտոնի Մարսիալի՝ մանկունիանցիների կազմում խաղալու հեռանկարների մասին։ Այս մասին հայտնում է «sports.ru»–ն։

«Մարսիալը բավականին շատ բան է արել պահեստայինների նստարանին լինելու համար։ Նա պետք է իրեն ավելի լավ ցուցադրի բոլոր նրանցից, ովքեր դաշտում նույնպես այդ դիրքերին են հավակնում։
Մարսիալի դիրքը մեր ակումբում այնպիսին է, որից մենք շատ տարբերակներ ունենք։ Ցանկանում եք, որ ես Մխիթարյանին պահեստայինների նստարանի՞ն թողնեմ «Ուիգանի» դեմ Անգլիայի գավաթի մրցավեճում ցուցադրած լավ խաղից հետո: Ես դա անել չեմ կարող:
Ես փորձում եմ ազնիվ լինել իմ խաղացողների հետ։ Մխիթարյանը հիասքանչ է խաղում։ Նա խաղալու է «Հալ Սիթիի» դեմ խաղում։ Ամեն ինչ շատ պարզ է»,–նշել է Մոուրինյուն։
7or.am