Forbes: Հայկական ծագմամբ ութ գործարարներ մտել են Ռուսաստանի ամենահարուստ մարդկանց նոր ցանկի մեջ

Forbes ամսագիրը կազմել է Ռուսաստանի 200 ամենահարուստ գործարարների վարկանիշային աղյուսակը, որի մեջ մտել են նաեւ հայկական ձագմամբ ութ գործարարներ։

18-րդ հորիզոնականը զբաղեցնում է «Մագնիտ» ցանցի գլխավոր տնօրեն, 49 ամյա Սերգեյ Գալիցկին (մինչ ամուսնությունը Հարությունյան)։ Նրա ունեցվածքը 6,8 միլիարդ դոլար է։

«Տաշիր» խմբի ղեկավար Սամվել Կարապետյանը գրավել է 32-րդ տեղը։ Նրա ունեցվածքը ավելացել է 300 միլիոն դոլարով եւ կազմում է 3,4 միլիարդ դոլար։

«Ռոսգոսստրախ» կազմակերպության ղեկավար եւ համասեփականատեր Դանիլ Խաչատուրովը հայտնվել է 48-րդ տեղում՝ 2 միլիարդ դոլար ունեցվածքով։

Մեկ այլ հայկական ծագմամբ ռուսաստանցի գործարար Ռուբեն Վարդանյանը գրավել է 99–րդ տեղը։ Նրա ունեցվածքը կազմում է 950 միլիոն դոլար։

«Սկարտել» կազմակերպության հիմնադիր եւ սեփականատեր Ալբերտ Ավդոլյանը 123-րդ տեղում է։ Հեռահաղորդակցության ոլորտում մասնագիտացող գործարարի կարողությունը գնահատվում է 800 միլիոն դոլար։

Ցուցակում են հայտնվել նաեւ Նիկոլայ (146) եւ Սերգեյ (147) Սարկիոսով եղբայրները։ Forbes-ի համաձայն նրանք ունեն 700միլիոն դոլար։

Forbes-ի ցանկում է հայտնվել նաեւ Mamba եւ Badoo ծանոթությունների գործակալության հիմնադիր Անդրեյ ԱՆդրեեւը (Անդրեյ Օհանջանյանց)։ Լոնդոնում բնակվող 43–ամյա ինտերնետային ձեռնարկատիրոջ կարողությունը գնահատվում է 500 միլիոն ԱՄՆ դոլար։

Top-News.am