Էրդողան. «Մեր առաջնահերթ գործը մահապատժի վերականգնումն է»

Թուրքիայում ապրիլի 16-ին անցկացված սահմանադրական փոփոխությունների հանրաքվեից հետո երկրի նախագահ Ռեջեփ Թայիփ Էրդողանը հանրության առաջ հանդես է եկել ելույթով:

«Oda.tv» լրատվականի տեղեկացմամբ՝ Էրդողանը գոհությանկություն է հայտնել քաղաքացիների ակտիվ մասնակցության համար ու արձանագրել, որ փոփոխություններին կողմ արտահայտվողները կազմել են քվեարկածների ավելի քան 51 տոկոսը:
Հիշեցնենք, որ համաձայն այդ փոփոխությունների փաթեթի՝ պետական կառավարման համակարգը Թուրքիայում խորհրդարանականից պիտի վերածվի նախագահականի:
Համախոհության և ցուցաբերած աջակցության համար Էրդողանը շնորհակալություն է հայտնել ընդդիմադիր «Ազգայնական շարժում» կուսակցությանը: Էրդողանը անդրադարձել է մահապատժի վերականգնման թեմային՝ ակնարկելով, որ եթե պետք լինի, մի հանրաքվե էլ կկազմակերպեն մահապատժի վերականգնման հարցով:
«Մեր առաջնահերթ գործը մահապատժի վերականգնումն է»,- ըստ աղբյուրի՝ ասել է Թուրքիայի նախագահը:
Աղբյուր` Ermenihaber.am