Զինվորների սննդակարգում կավելանա բանջարեղենի և մրգի տեսականին, իսկ «տուլիկներ» ուղարկելու ավանդույթը թեև չի խրախուսվելու, բայց և չի արգելվելու

«Հայաստանի Հանրապետությունը» գրում է. «Ինչպես նախորդ տարիներին, այս տարի ևս զինակոչիկների զինծառայության վայրն ընտրվելու է վիճակահանությամբ: ՀՀ պաշտպանության նախարարի մամուլի խոսնակ Արծրուն Հովհաննիսյանի խոսքով, մինչև հիմա փորձարկված ձևաչափերից այն ամենահարմար ու օբյեկտիվ տարբերակն է, ուստի կշարունակվի կիրառվել: Ինչ վերաբերում է զինված ուժերում սննդի մատակարարման որակի բարելավմանը, նա նշել է, որ դա մշտական գործընթաց է:

Այս տարի նորությունն այն է, որ զինվորների սննդակարգում կավելանա բանջարեղենի և մրգի տեսականին: Իսկ ծնողների կողմից այսպես կոչված «տուլիկներ» ուղարկելու ավանդույթը թեև չի խրախուսվելու, բայց և չի արգելվելու:

Միայն թե ի գիտություն ծնողների նա հայտնել է, որ ամռան ամիսներին «տուլիկի» պարունակության հետ կապված որոշակի հսկողություն է սահմանվելու, որպեսզի շուտ փչացող սննդից ծինծառայողները չթունավորվեն»,-գրում է թերթը:

Մանրամասները՝ թերթի այսօրվա համարում