Թուրք ֆանատները Լիոնում անկարգություններ են հրահրել (Տեսանյութ)

Անցած գիշեր կայացած ֆուտբոլի Եվրոպայի լիգայի քառորդ եզրափակիչ «Լիոն» – «Բեշիկթաշ» հանդիպումը մեկ ժամ ուշացումով է սկսվել:

Ինչպես նշում են տեղի լրատվամիջոցները, թուրք երկրպագուները խաղից առաջ գյուղատնտեսական ռումբեր եւ տարբեր առարկաներ են նետել «Լիոնի» համակիրների վրա, որի արդյունքում խուճապ է առաջացել եւ նրանցից շատերն անվտանգության համար ստիպված մտել են խաղադաշտ:

Ֆրանսիական ակումբի նախագահ Ժան Միշել Օլասը բանակցելով թիմերի արմատական ֆանատների հետ, ի վերջո կարողացել է կողմերի հանգստացնել:

Հարկ է նշել, որ հանդիպումից առաջ ընդհարումներ են տեղի ունեցել նաեւ թուրք երկրպագուների եւ ոստիկանների ու մարզադաշտի անվտանգության աշխատակիցների միջեւ: Արդյունքում, անվտանգության մեկ աշխատակից մարմնական վնասվածքներ է ստացել:

Ի դեպ, «Լիոնի» մարզադաշտը գտնվում է Լիոնի Դեսին-Շարպյե հայաշատ թաղամասում: Ինչպես տեղեկացնում է ռուսական «Սպորտ-Էքսպրես» թերթի թղթակիցը, ելնելով այդ հանգամանքից, Լիոնի քաղաքապետարանը տեղի երկրպագուներին արգելել է Ֆրանսիայի ու «Լիոնի» դրոշից բացի օգտագործել որեւէ այլ երկրի կամ ակումբի խորհրդանիշ: